3 اقپان كۇنى ورال ىرگەسىندەگى 12 مىڭداي ادام تۇراتىن «قۇس فابريكاسى» ساياجايىنىڭ حالقى ەلەكتر جارىعىنىڭ اجىراتىلۋىنا، ونىڭ تولەمدەرىنىڭ رەتتەلمەگەنىنە نارازىلىق تانىتىپ، جولدى جاۋىپ تاستادى. بۇل تۋرالى sarapshy.info باسىلىمى جازدى، دەپ حابارلايدى “ادىرنا” ۇلتتىق پورتالى.
اتالعان قاۋىمداستىقتىق قازىرگى توراعاسى اسحات انەسۇلى ءالى «باتىس قازاقستان ايماقتىق ەلەكتر جەلىلىك كومپانياسى» جشس كومپانياسىمەن كەلىسىمشارتقا وتىرىپ ۇلگەرمەگەن.
– قازىرگى حالىقتىڭ كوتەرىلىپ جاتقان سەبەبى – رەك-كە («باتىس قازاقستان ايماقتىق ەلەكتر جەلىلىك كومپانياسى» جشس) وسى اۋدان تۇرعىندارىنىڭ جارىققا بەرەجاق بولعانى. ماعان دەيىنگى تاعايىنداعان توراعا اسىلبەك قابەسوۆ اقشانى رەك-كە تولەمەي كەلگەن. قازىرگى كەزدە 71 ملن بولعان. ولار كەلدى دە جارىقتى ءوشىرىپ تاستادى. ال مەن اقشانى تولەپ ۇلگەرگەن جوقپىن. ماعان تولە دەپ جاتىر. مەنى ءالى رەك-پەن كەلىسىمشارتقا وتىرعان جوقپىن، - دەيدى ول.
ءدال قازىر اۋدان تۇرعىندارىنىڭ «باتىس قازاقستان ايماقتىق ەلەكتر جەلىلىك كومپانياسى» جشس-ىنا قارىز مولشەرى 71 ملن تەڭگەگە جەتكەن. سول سەبەپتى تاڭەرتەڭگى ساعات 11:00-دەن باستاپ اۋداننىڭ جارىعىن ءوشىرىپ تاستاعان. شامامەن بۇل اۋداندا ەكى مىڭ ەكى جۇزدەن استام ءۇي بار.
باۋ-باقشا سەرىكتەستىگى بولىپ سانالعاندىقتان مۇندا 1 كۆت/ساع ەلەكتر ەنەرگياسىنىڭ قۇنى قازىرگى ۋاقىتتا 1 كۆت ءۇشىن 32,60 تەڭگە. ال ورال قالاسى بويىنشا ورتاشا تاريف — 28,16 تەڭگە.
قىستىڭ كۇنى جارىق پەن جىلۋدىڭ وشكەنىنە نارازى حالىق جينالىپ، شاعىمدارىن بىلدىرۋدە.
تۇرعىنداردىڭ ايتۋىنشا، وسى ۋاقىتقا دەيىن ەلەكتر ەنەرگياسىنىڭ اقشاسىن اۋداننىڭ بۇرىنعى توراعاسى اسىلبەك قابەسوۆتىڭ Kaspi نومىرىنە اۋدارىپ وتىرعان. كەي جاعدايدا سەرىكتەستىك توراعاسى وتىرعان كەڭسەگە بارىپ، قولما-قول تولەپ جۇرگەن.
