قازاقستان پرەزيدەنتى قاسىم-جومارت توقاەۆ رەسەيلىك يزۆەستيا باسىلىمىنا، ال رەسەي پرەزيدەنتى "كازاحستانسكايا پراۆدا" گازەتىنە سۇحبات بەرىپ، ەكى ەل اراسىنداعى قارىم-قاتىناس جايلى ءسوز ەتتى، دەپ جازادى "ادىرنا".
سۇحبات بارىسىندا قوس پرەزيدەنت ساياسي احۋالدارعا باعا بەرىپ، ىنتىماقتاستىق، سەرىكتەستىك تۇرعىسىنان وتكەن شاققا جانە كەلەشەككە كوز جۇگىرتتى.
ء"بىزدىڭ رەسەي پرەزيدەنتىمەن استانادا وتەتىن الداعى كەزدەسۋىمىزدىڭ كۇن ءتارتىبى ءداستۇرلى تۇردە وتە اۋقىمدى تاقىرىپتا بولماق. ءبىز ەكىجاقتى ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىق ماسەلەلەرىن جان-جاقتى تالقىلاۋدى جوسپارلاپ وتىرمىز. حالىقارالىق ۇيىمدار مەن ينتەگراتسيالىق قۇرىلىمدار اياسىنداعى ءوزارا ارەكەتتەسۋ اسپەكتىلەرىن قاراستىرايىق. قازاقستان-رەسەي ديالوگىنىڭ ماڭىزدى بەلگىلەرى سىندارلىلىق جانە ءوزارا قولايلى ناتيجەگە باعدارلانۋ بولىپ تابىلادى. ءبىز ارقاشان رەسەيلىك ارىپتەستەرىمىزدىڭ ۇستانىمىن ەسكەرۋگە تىرىسامىز، ال ولار ءبىزدىڭ پىكىرىمىزدى ەسكەرۋگە تىرىسادى" دەدى توقاەۆ رەسەيلىك جۋرناليست ساۋالىنا.
"رەسەي قازاقستان ەكونوميكاسىنداعى ءىرى ينۆەستورلاردىڭ ءبىرى بولىپ تابىلادى. قازاقستانعا جيناقتالعان رەسەيلىك ينۆەستيتسيا شامامەن 17 ميلليارد دوللاردى قۇرايدى. رەسپۋبليكادا رەسەيدىڭ قاتىسۋىمەن 6 مىڭعا جۋىق كاسىپورىن بار. ورتاق تاريحي وتكەنىمىز، كوپ عاسىرلىق تاتۋ كورشىلىك پەن ىنتىماقتاستىق، ناتسيزمگە قارسى كۇرەسىپ، جەڭىستى جاقىنداتقان اتا-بابالارىمىزدىڭ ەرلىگىنە ماقتانىش – حالىقتارىمىزدى جاقىنداستىرىپ، ءداستۇرلى تىعىز ءوزارا ءتيىمدى بايلانىستاردى نىعايتا تۇسەدى. ءبىز بۇل باعا جەتپەس بايلىقتى باعالايمىز جانە ازاماتتارىمىزدىڭ بولاشاق ۇرپاعى ءۇشىن ونى ارتتىرۋعا تىرىسامىز" دەپ اتاپ ءوتتى پۋتين قازاقستان جايلى.
ەسكە سالا كەتەيىك، رەسەي فەدەراتسياسىنىڭ پرەزيدەنتى ۆلاديمير پۋتين 9 قاراشادا قازاقستانعا جۇمىس ساپارىمەن كەلەدى.
