27 قاراشا كۇنى تالدىقورعان قالاسىندا 32 جاستاعى ايزات جۇمانوۆانىڭ ولىمىنە قاتىستى ءىستىڭ الدىن الا سوت تىڭداۋى باستالدى، دەپ حابارلايدى "ادىرنا" ۇلتتىق پورتالى.
ء ىس بويىنشا باستى كۇدىكتى – مارقۇمنىڭ كۇيەۋى ايبار جانبولات.
پروكۋروردىڭ ايتۋىنشا، وقيعا 2025 جىلدىڭ ماۋسىم ايىندا باستالعان. ايبار جانبولات ۇيگە كەلگەندە ايەلىنىڭ بىرەۋمەن سويلەسىپ تۇرعانىن كورىپ، اشۋعا بۋلىققان. ول ايزاتتىڭ تەلەفونىن سىندىرعان، وعان جاۋاپ رەتىندە ايەل دە كۇيەۋىنىڭ تەلەفونىن زاقىمداعان. وسى وقيعادان كەيىن ەكەۋى 10–15 كۇن بويى تەلەفونسىز ءجۇرىپ، ءبىر-بىرىمەن سويلەسپەگەن.
كەيىن كۇيەۋى بىرنەشە كۇنگە تاۋعا كەتكەن، بىراق ورالعان سوڭ جاعداي قايتا قايتالانعان. پروكۋروردىڭ ايتۋىنشا، 22 ماۋسىم كۇنى ساعات 12 شاماسىندا ماس كۇيدەگى ايبار جانبولات ايەلىن قاقپا سىرتىنا شىعارىپ، قولى مەن اياعىمەن دەنەسىنىڭ ءارتۇرلى بولىگىنە بىرنەشە رەت سوققى جاساعان. سول ساتتە ايزات ايقايلاپ، توقتاۋىن سۇراعانىمەن، كۇدىكتى سوققىنى جالعاستىرعان.
ايزات ەس-ءتۇسسىز قالعان سوڭ عانا كۇيەۋى جەدەل جاردەم شاقىرعان. ايەلدى تالدىقورعان وبلىستىق اۋرۋحاناسىنا جەتكىزگەنىمەن، ول جانساقتاۋ بولىمىندە كوز جۇمعان.
قايعىلى وقيعا جەتىسۋ وبلىسىنىڭ اقسۋ اۋدانىنا قاراستى بالاساز اۋىلىندا بولعان. تۋىستارى بۇل جاعدايدى «قورقىنىشتى، ادام شوشىرلىق» دەپ باعالاپ، ايەلدىڭ ولىمىنە كۇيەۋى تولىقتاي كىنالى ەكەنىن ايتتى.
