بالالار ەمحاناسىنىڭ قوماقتى قاراجاتىن قۇمار ويىنعا جۇمساعان ەسەپشى سوتتالدى

2294
Adyrna.kz Telegram

بالا ەمىنە جۇمسالاتىن قاراجاتتى قالتاسىنا باسىپ، قۇمار ويىنعا سالعان اۋەسقوي ەسەپشى سوتتالدى. تالدىقورعان قالالىق سوتى بالالار ەمحاناسىنىڭ ەسەپشىسىن بەس جىل باس بوستاندىعىنان ايىردى. قۇمار ويىنعا شىرمالىپ، بالا ەمىنە جۇمسالاتىن قارجىنى قۇربان ەتكەن ەسەپشىنىڭ ەلگە كەلتىرگەن شىعىنى - 109 ميلليون تەڭگە، دەپ حابارلايدى "ادىرنا" ۇلتتىق پورتالى سوتتىڭ ءباسپاسوز قىزمەتىنە سىلتەمە كورسەتىپ.

سوتتا بۋحگالتەردىڭ 2021 جىلدىڭ 1 ناۋرىزىنان بەرى اۋرۋحانا شوتىنداعى اقشاعا قول سالىپ، جىمقىرىپ كەلگەنى انىقتالدى.  بارلىق اقشانى قۇمار ويىنعا جۇمساعانى بەلگىلى بولدى.

اقىرىندا، اۋرۋحاناعا 109 ملن تەڭگە شىعىن كەلگەن.

سوت وتىرىسىندا سوتتالۋشى مامان كىناسىن تولىق مويىنداپ، كەلتىرىلگەن زياندى وتەۋگە ۋادە بەردى.

سوت ۇكىمى ءالى زاڭدى كۇشىنە ەنگەن جوق.

"ادىرنا" ۇلتتىق پورتالى 

پىكىرلەر