27 qaraşa künı Taldyqorǧan qalasynda 32 jastaǧy Aizat Jūmanovanyŋ ölımıne qatysty ıstıŋ aldyn ala sot tyŋdauy bastaldy, dep habarlaidy "Adyrna" ūlttyq portaly.
Is boiynşa basty küdıktı – marqūmnyŋ küieuı Aibar Janbolat.
Prokurordyŋ aituynşa, oqiǧa 2025 jyldyŋ mausym aiynda bastalǧan. Aibar Janbolat üige kelgende äielınıŋ bıreumen söilesıp tūrǧanyn körıp, aşuǧa bulyqqan. Ol Aizattyŋ telefonyn syndyrǧan, oǧan jauap retınde äiel de küieuınıŋ telefonyn zaqymdaǧan. Osy oqiǧadan keiın ekeuı 10–15 kün boiy telefonsyz jürıp, bır-bırımen söilespegen.
Keiın küieuı bırneşe künge tauǧa ketken, bıraq oralǧan soŋ jaǧdai qaita qaitalanǧan. Prokurordyŋ aituynşa, 22 mausym künı saǧat 12 şamasynda mas küidegı Aibar Janbolat äielın qaqpa syrtyna şyǧaryp, qoly men aiaǧymen denesınıŋ ärtürlı bölıgıne bırneşe ret soqqy jasaǧan. Sol sätte Aizat aiqailap, toqtauyn sūraǧanymen, küdıktı soqqyny jalǧastyrǧan.
Aizat es-tüssız qalǧan soŋ ǧana küieuı jedel järdem şaqyrǧan. Äieldı Taldyqorǧan oblystyq auruhanasyna jetkızgenımen, ol jansaqtau bölımınde köz jūmǧan.
Qaiǧyly oqiǧa Jetısu oblysynyŋ Aqsu audanyna qarasty Balasaz auylynda bolǧan. Tuystary būl jaǧdaidy «qorqynyşty, adam şoşyrlyq» dep baǧalap, äieldıŋ ölımıne küieuı tolyqtai kınälı ekenın aitty.
