الماتى اكىمى دارحان ساتىبالدى قالادا جەڭىل رەلستى كولىك (لرت) جەلىسىن سالۋ تۋرالى قاۋلىعا قول قويدى. جوبا اياسىندا قالانىڭ ءتورت اۋدانىندا 270 جەر ۋچاسكەسى مەملەكەت قاجەتىنە الىنادى، دەپ حابارلايدى "ادىرنا".
لرت جەلىسى الاتاۋ، جەتىسۋ، المالى جانە اۋەزوۆ اۋداندارىندا سالىنادى. جوبانىڭ دەپوسى سوكپاقباەۆ كوشەسى، 72 مەكەنجايىندا ورنالاسادى.
العاشقى جەلى الماتى-2 تەمىرجول ۆوكزالىنان باستالىپ، ابىلاي حان داڭعىلى، تولە بي كوشەسى، مومىشۇلى كوشەسى ارقىلى ءوتىپ، الاتاۋ اۋدانىنداعى دەپوعا دەيىن جەتەدى.
جەرلەرى ساتىپ الىناتىن مەنشىك يەلەرىنىڭ قاتارىندا K3 Group Invest كومپانياسى بار. سونىمەن قاتار، ونداعان ۋچاسكە قالالىق موبيلدىك باسقارماسىنا قاراستى «الماتى پاركينگ» كوممۋنالدىق كاسىپورنىنان، «رتس دەكو»، Terra Invest Group جانە باسقا دا ۇيىمداردان ساتىپ الىنادى.
ءماجبۇرلى تۇردە ساتىپ الۋ ۇدەرىسى 2028 جىلدىڭ 31 جەلتوقسانىنا دەيىن اياقتالۋى ءتيىس. ودان كەيىن جەر تەلىمدەرى جول ينفراقۇرىلىمىن دامىتۋ باسقارماسىنا بەرىلىپ، لرت جوباسىن جۇزەگە اسىرۋ جۇمىستارى باستالادى.
