لوندونداعى ءازىربايجان ەلشىلىگىنە ەكسترەميستىك ۇيىم شابۋىل جاسادى

2095
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

«ماحدي قىزمەتشىلەرىنىڭ وداعى» دەپ اتالاتىن شيت ەكسترەميستىك ۇيىمى لوندونداعى ءازىربايجان ەلشىلىگىنە شابۋىل جاسادى. ءبىر توپ راديكالدار عيماراتقا باسىپ كىردى، دەپ حابارلايدى “ادىرنا” ۇلتتىق پورتالى.

"2022 جىلدىڭ 4 تامىزىندا ۇلىبريتانيا جانە سولتۇستىك يرلانديا بىرىككەن كورولدىگىندەگى ءازىربايجان رەسپۋبليكاسىنىڭ ەلشىلىگىنە راديكالدى ءدىني توپ شابۋىل جاسادى. ەلشىلىك عيماراتىنا باسىپ كىرىپ، راديكالدار عيماراتتىڭ پودەزىنە ءدىني تۋلاردى كوتەرىپ، ءدىني ۇراندار ايتتى»، - دەپ حابارلادى ءازىربايجان ءسىم.

جەرگىلىكتى پوليتسيانىڭ ارالاسۋىنان كەيىن ءتارتىپ بۇزۋشىلار عيماراتتان شىعارىلىپ، قاماۋعا الىندى. وقيعادان ەلشىلىك قىزمەتكەرلەرى زارداپ شەككەن جوق.

ەسكە سالايىق، ازىربايجانداعى قاراباق اۋماعىندا «كەك الۋ» دەپ اتالاتىن اسكەري وپەراتسيا باستالعانى تۋرالى حابارلاعان بولاتىن.

ۆيدەونى Telegram ارنامىزدان كورە الاسىز.

”ادىرنا” ۇلتتىق پورتالى

پىكىرلەر