مەملەكەتتىك ەمحانالاردا ساپا تالاپتارىن بۇزعان اق زالاتتىلار جاۋاپقا تارتىلدى، دەپ حابارلايدى "ادىرنا" ءتىلشىسى 24KZ-كە سىلتەپ.
الماتىدا ەمدەۋ جانە دياگنوستيكا ستاندارتتارىنان اۋىتقىعان مەديتسينا سالاسىنىڭ قىزمەتكەرلەرى تاراپىنان ولقىلىقتار كەتكەن. بۇل جونىندە سىبايلاس جەمقورلىققا قارىس كۇرەس اگەنتتىگىنىڭ قالالىق قىزمەت باسشىسى مالىمدەدى.
قالاداعى كەيبىر ەمدەۋ مەكەمەلەرىنىڭ باسشىلارى مەملەكەتتىك ساتىپ الۋدا تاۋار مەن قىزمەت ءتۇرىنىڭ قۇنىن اسىرا كورسەتىپ، پايداعا قۇنىققان. دەپارتامەنت 2023 جىلى قوعامدىق دەنساۋلىق ساقتاۋ باسقارماسىنا، ىشكى اۋديت دەپارتامەنتىنە ساتىپ الۋ باعاسىن 2 ميلليارد تەڭگەدەن استام سوماعا نەگىزسىز كوتەرمەلەۋ فاكتىلەرى تۋرالى حات تا جولداعان.
انتيكور تەكسەرىسىنەن كەيىن اتالعان سالاداعى 5 لاۋازىمدى تۇلعا تارتىپتىك جاۋاپقا تارتىلعان
"قۇقىقبۇزۋشىلىق ماسەلەلەرى بويىنشا بۇل – بولەك ماسەلە. 2 جىلدىڭ كولەمىندە 3 قىلمىستىق ءىس تىركەلگەن بولاتىن. ونىڭ ىشىندە مەملەكەت قارجىسىن جىمقىرۋ فاكتىلەرى دە بار", - دەدى سىبايلاس جەمقورلىققا قارسى ءىس-قيمىل اگەنتتىگى وبلىستىق دەپارتامەنتىنىڭ باسشىسى.
