قايراتكەر اسحات ايماعامبەتوۆ ۇستازدىق قىزمەتكە كىرىستى. ەلىمىزدىڭ باس ۇستازى قىزمەتىن ابىرويمەن اتقارعان ازامات م.نارىكباەۆ اتىنداعى كازگيۋ ۋنيۆەرسيتەتىنە وقىتۋشى رەتىندە قابىلداندى. ونىڭ مول تاجىريبەسى مەن تەرەڭ ءبىلىمى، تاعلىمدى پاراساتى شاكىرت كوكىرەگىنە ساۋلە قۇيىپ، ساناسىن اشارى ءسوزسىز، دەپ حابارلايدى "ادىرنا" ۇلتتىق پورتالى.
اسحات قاناتۇلى ايماعامبەتوۆ – 2019–2022 جىلدارى ءبىلىم جانە عىلىم ءمينيسترى.
2022-2023 جىلدارى قازاقستان رەسپۋبليكاسىنىڭ وقۋ-اعارتۋ ءمينيسترى بولىپ قىزمەت ەتتى.
ەندى بۇگىنگى كۇننەن باستاپ م.نارىكباەۆ اتىنداعى كازگيۋ ۋنيۆەرسيتەتىندە ءدارىس وقيتىن بولادى. اسحات قاناتۇلى ءبىزدىڭ ستۋدەنتتەرىمىزگە ءوز تاجىريبەسىمەن ءبولىسىپ، تۇلعا بولىپ قالىپتاسۋىنا ۇلكەن سەپتىگىن تيگىزەتىنىنە سەنىمدىمىز.
«ءتۇرلى ۇسىنىستار بار، ءتيىستى جوسپارلارىم بار ەكەنىن دە جاسىرمايمىن. سۇحباتتا دا ايتتىم. ول تۋرالى ناقتى ءبىر-ەكى كۇندە بەلگىلى بولادى. بىراق وقىتۋشىلىق جۇمىستى قانداي قىزمەت بولسا دا بىرگە الىپ جۇرۋگە بولادى، سوندىقتان اعارتۋشىلىق ەڭبەگىمدى وسىلاي بىرگە الىپ ءجۇرىپ جالعاستىرامىن» – دەدى اسحات ايماعامبەتوۆ.
"ادىرنا" ۇلتتىق پورتالىنىڭ ۇجىمى ۇلت ءۇشىن، ۇلتتىق مۇددە ءۇشىن ايانباي قىزمەت ەتكەن ازاماتقا تولايىم تابىس، اسقاق ابىروي، جەمىستى جىلدار تىلەيدى.
"ادىرنا" ۇلتتىق پورتالى
