وڭايعا تۇسپەگەن وراسان ارەكەتتەردىڭ ارقاسىندا قىتايدا كوروناۆيرۋستىڭ تارالۋى اۋىزدىقتالدى دەسە دە بولادى. قىتاي عالىمدارى ناۋرىز ايىنىڭ سوڭىنا دەيىن نولدىك ناتيجەگە جەتۋ ءۇشىن شەكارانى قاتاڭ باقىلاۋعا الىپ، دسسۇ ۇسىنىستارى مەن كەڭەسىن قاتاڭ ساقتايتىن بولادى.
سوڭعى مالىمەتتەرگە سايكەس، ەپيدەميا قۇتىرىنىپ تۇرعان كەزدە كۇن سايىن 3 مىڭنان استام ۆيرۋس جۇقتىراتىن بولسا، سوڭعى كۇندەرى جيىرماعا دا جەتپەيتىن ادامدا عانا كوروناۆيرۋس بار ەكەنى انىقتالىپ وتىر. ءبىر ايدىڭ ىشىندە ىندەت 98 پايىزعا جەڭىلدى.
كۇن سايىن حۋبەي پروۆينتسياسىنان تىسقارى جەردە جۇقتىرۋ وقيعالارى ازايىپ كەلەدى. جاڭا جۇقتىرۋ وقيعالارى تىركەلگەن جاعدايدا دا – ولار باسقا مەملەكەتتەردەن كەلگەندەر. كوپتەگەن قالا مەن پروۆينتسيالاردا كوروناۆيرۋستىڭ انىقتالۋى نولدىك دەڭگەيگە جەتتى. ال بۇل ىندەتتەن ساۋىققان ادامداردىڭ سانى ايتارلىقتاي ءوسىپ وتىر.
«جۇقتىرۋ مەن ءولىم-ءجىتىم دەڭگەيىن بارىنشا ازايتۋ ءۇشىن قىتاي ەلى جانكەشتىلىكپەن جانە وراسان كۇش-قۋاتىن جۇمسادى. توراعا سي تسزينپين ءبىر اي بويى ەپيدەميانى توقتاتۋ مەن كۇرەسۋ تاقىرىبىندا سەگىز بىردەي ءىرى وتىرىس وتكىزدى.
مەملەكەتتىڭ بارلىق ايماعىنان 330 سانيتارلىق وترياد پەن 41 600 مەديتسينالىق قىزمەتكەر حۋبەي پروۆينتسياسىنا كومەكتەسۋگە اتتاندى. بار بولعانى 10 كۇننىڭ ىشىندە ۋحان قالاسىندا 2 ارناۋلى اۋرۋحانا سالىنىپ، 20 مىڭنان استام وقشاۋلانعان توسەك-ورىن دايىندالدى.
1,4 ميلليارد قىتاي سانالى تۇردە ۇيىنەن شىقپاي وتىردى. بىرىنەن كەيىن ءبىرى پايدا بولعان عالامات تسيفرلار قىتايدىڭ ەپيدەميامەن كۇرەسۋدەگى كۇشى مەن شەشىمتالدىعىن دالەلدەپ، حالىقارالىق قاۋىمداستىق تاراپىنان جوعارى باعا الدى» دەيدى قىتاي حالىق رەسپۋبليكاسىنىڭ قازاقستانداعى باس كونسۋلى گەن ليپين.
اقپارات Egemen.kz سايتىنان الىندى
