بالقاش قالاسىنداعى بىرنەشە كوشە، شاعىن اۋدان جانە ورتالىق ساياباققا قازاقشا اتاۋلار بەرىلدى. بۇل تۋرالى قاراعاندى وبلىسى اكىمدىگى مەن ءماسليحاتىنىڭ بىرلەسكەن قاۋلىسى مەن شەشىمىندە ايتىلعان، دەپ حابارلايدى «ادىرنا» ءتىلشىسى.
«قاراعاندى وبلىسىنىڭ بالقاش قالاسىنىڭ كەلەسى قۇرامداس بولىكتەرىنىڭ اتاۋىن وزگەرتۋ: 10 شاعىن اۋدان - ەر جانىبەك باتىر شاعىن اۋدانى; 90 ورام – بەيبىتشىلىك ورامى; تسۆەتوچنىي تۇيىق كوشەسى – قىزعالداق تۇيىق كوشەسى; ستانتسيوننايا كوشەسى – جولاشار كوشەسى; مەحكولوننا ورامى – ميراس ورامى; ق.ساتباەۆ كوشەسى – سەرپىن كوشەسى دەپ; «ۆلكسم–گە 30 جىل» ساياباعى – «دوستىق» ساياباعى دەپ قايتا اتالسىن»، - دەلىنگەن حابارلامادا.
سونداي-اق قۇجاتتا شاھارداعى بىرقاتار اتاۋدىڭ ترانسكريپتسياسى دا تۇزەتىلەتىنى ايتىلعان.
«سادىك مۋحامەدجانوۆ شاعىن اۋدانى – سىدىق مۇحامەدجانوۆ شاعىن اۋدانى دەپ، ال ك.ساتپاەۆ شاعىن اۋدانى – قانىش ساتباەۆ شاعىن اۋدانى بولىپ وزگەرتىلدى»،– دەلىنگەن حابارلامادا.
سۋرەت: nationalgeographic.kz
