20 ناۋرىزدان باستاپ وسكەمەن قالاسىنداعى مەملەكەتتىك ورگاندار مەن بيۋدجەتتىك ۇيىمدار جاڭا جۇمىس كەستەسىنە كوشەدى، دەپ حابارلايدى "ادىرنا" ۇلتتىق پورتالى.
بۇل تۋرالى قالا اكىمدىگىندە وتكەن جيىندا شىعىس قازاقستان وبلىسى اكىمىنىڭ ورىنباسارى دارحان ساپانوۆ مالىمدەدى.
جاڭا كەستەگە سايكەس، ەندى جۇمىس كۇنى ساعات 08:00-دە باستالىپ، 17:30-دا اياقتالادى، ال تۇسكى ءۇزىلىس 12:00-دەن 13:30-عا دەيىن بەلگىلەندى.
بۇل وزگەرىس وبلىستىڭ بارلىق قالا جانە اۋدانىندا ەنگىزىلىپ، تۇرعىنداردىڭ ءومىر ءسۇرۋ ساپاسىن جاقسارتۋعا ىقپال ەتەدى دەپ كۇتىلۋدە.
جاڭا جۇمىس ۋاقىتىنا كوشۋ ماسەلەسى بويىنشا وتكەن جيىنعا مەملەكەتتىك ۇيىمداردىڭ وكىلدەرىن قوسا العاندا، 300-گە جۋىق ادام قاتىستى. قاتىسۋشىلار جاڭا كەستەنىڭ تيىمدىلىگىن اتاپ ءوتىپ، بۇل شەشىمدى قولدايتىندارىن ءبىلدىردى.
وسكەمەن – شىعىس قازاقستان وبلىسىندا جاڭا جۇمىس رەجيمىن ەنگىزگەن سوڭعى قالا بولدى.
شىعىس قازاقستان وبلىسىنداعى بارلىق 11 اۋداننىڭ جاڭا جۇمىس كەستەسىنە اۋىسقانى تۋرالى جازعان ەدىك.
