بەلگىلى ءانشى مۇقاسان شاحزاداەۆ ۇستالدى. بۇل تۋرالى «نۇر-مۇقاسان» توبىنىڭ جاڭا مۇشەسى عالىمجان سۇلەيمەننىڭ ادۆوكاتى ينگا يمانباي ايتتى. الايدا پوليتسيا ازىرگە ونەر يەسىنىڭ ۇستالعانى تۋرالى رەسمي اقپارات بەرگەن جوق، دەپ حابارلايدى «ادىرنا» ءتىلشىسءى.
ء«بىز پوليتسيانىڭ ونى تابا الماي وتىرعانىن حابارلاعان ەدىك. قازىرگى ۋاقىتتا شاحزاداەۆ ۇستالدى. وقيعاعا قاتىستى جەدەل-تەرگەۋ ارەكەتتەرى باستالدى، وعان ءبىز عالىمجانمەن بىرگە قاتىسۋىمىز كەرەك. ءبىز ونىڭ مىندەتتى تۇردە ءوز جازاسىن الۋى كەرەك دەپ سانايمىز، ويتكەنى ول دەنساۋلىققا قاساقانا زيان كەلتىردى، سونداي-اق بىرنەشە كۇن بويى جاۋاپكەرشىلىكتەن قاشىپ ءجۇردى»،-دەدى زاڭگەر.
ەسكە سالايىق، بۇعان دەيىن عالىمجان سۇلەيمەن سوققىعا جىعىلعانىن ايتقان بولاتىن. جابىرلەنۋشى داۋدىڭ باسى توپ ورىنداعان اننەن باستالعانىن جەتكىزدى. ماسەلەنى بەيبىت جولمەن تالقىلاۋ ءۇشىن ول توپتىڭ بۇرىنعى ءانشىسى مۇقاسان شاحزاداەۆتىڭ ۇيىنە بارعان. الايدا ول جاقتا جاعداي ۋشىعىپ، بىرنەشە اداممەن بىرگە جۇرگەن شاحزاداەۆ عالىمجانعا كۇش قولدانعان.
