قۇلسارىدا پوليتسيا قىزمەتكەرلەرى جولداعى قاۋىپسىزدىك ءۇشىن قۇرباندىق شالعان. بۇل تۋرالى الەۋمەتتىك جەلىدە ۆيدەو تارادى، دەپ حابارلايدى “ادىرنا” ۇلتتىق پورتالى.
اقپارات بويىنشا، پوليتسيا قىزمەتكەرلەرى جۇما كۇنى قوي سويىپ، قۇران وقىتقان. قۇرباندىققا شالعان مالدىڭ ەتى ءۇش بولىككە ءبولىنىپ، مۇقتاج وتباسىلارعا تاراتىلىپتى.
الەۋمەتتىك جەلىدەگى قۇلسارى دپ پاراقشاسىنداعى بەينەروليكتىڭ سيپاتتاماسىندا «بۇل ارەكەت جول قوزعالىسى قاۋىپسىزدىگىن عانا ەمەس، قوعامداعى بىرلىك پەن مەيىرىمدىلىكتى نىعايتا تۇسەتىن رۋحاني قۇندىلىقتىڭ كورىنىسى» دەلىنگەن. دەگەنمەن، قازىر بۇل ۆيدەو پاراقشادان وشىرىلگەن.
