رەسەيدىڭ حالىق ءارتىسى سەرگەي بەزرۋكوۆ وزبەكستاندىق جانكۇيەرىنە جاساعان پارودياسى ءۇشىن تۇسىنىكتەمە بەردى، دەپ حابارلايدى «ادىرنا» ءتىلشىسى.
بۇعان دەيىن اكتەر ءباسپاسوز كونفەرەنتسيالارىنىڭ بىرىندە تاشكەنتتەگى زيرات قىزمەتكەرىنىڭ سويلەۋ مانەرىنە قاتىستى ازىلدەگەن ەدى. ونىڭ بۇل ارەكەتى كوپشىلىكتىڭ اشۋىن تۋعىزدى.
بەزرۋكوۆ بەينەۇندەۋ جولداپ، وزبەك حالقى مەن ءتىلىن مازاقتاۋ نيەتى بولماعانىن جەتكىزدى. ول الەۋمەتتىك جەلىدەگى سىن-پىكىرلەردىڭ ەكى حالىق اراسىندا ارازدىق تۋدىرۋ ءۇشىن جازىلىپ جاتقانىن ايتىپ، وعان كوڭىل بولمەۋگە شاقىردى.
«وزبەكستاننىڭ مەنى قانشالىقتى جاقسى كورەتىندەرىن، قانشالىقتى كۇتەتىندەرىن بىلەمىن. مەن دە ولاردى ءدال سولاي قۇرمەتتەيمىن»،- دەدى ول.
ۇقساس جاڭالىقتار
