3-4 ءساۋىر كۇندەرى وزبەكستاننىڭ سامارقان قالاسىندا «ورتالىق ازيا — ەۋروپا وداعى» العاشقى ءسامميتى وتەدى. سامميتكە وزبەكستان پرەزيدەنتى شاۆكات ميرزيوەۆ توراعالىق ەتەدى، دەپ حابارلايدى ”ادىرنا” ۇلتتىق پورتالى.
ءىس-شاراعا ەۋروپالىق كەڭەستىڭ پرەزيدەنتى انتونيۋ كوشتا مەن ەۋروپالىق كوميسسيانىڭ پرەزيدەنتى ۋرسۋلا فون دەر ليايەن، سونداي-اق قازاقستان پرەزيدەنتى قاسىم-جومارت توقاەۆ، قىرعىزستان، تاجىكستان جانە تۇرىكمەنستان باسشىلارى قاتىسادى.
سامميتتە ورتالىق ازيا مەن ەۋرووداق اراسىنداعى كولىك-لوگيستيكا، ستراتەگيالىق شيكىزات، ەكولوگيالىق تازا ەنەرگيا كوزدەرى سەكىلدى ىنتىماقتاستىق ماسەلەلەرى قاراستىرىلادى.
«ءبىز شيەلەنىس جاعدايىندا ءومىر ءسۇرىپ جاتىرمىز. وسى ورايدا، ەۋرووداق ءۇشىن جالعىز شەشىم — بەيبىتشىلىك پەن ءوزارا وركەندەۋگە نەگىزدەلگەن سەرىكتەستىك ورناتۋ»، – دەدى ەۋروپالىق كەڭەستىڭ پرەزيدەنتى انتونيۋ كوشتا.
ەسكە سالا كەتەيىك، بىلتىر قىركۇيەكتە وزبەكستان باسشىسى «ورتالىق ازيا — ەۋرووداق» ءسامميتىن ءوز ەلىندە وتكىزۋدى ۇسىنعان بولاتىن. سامميت قارساڭىندا وزبەكستانداعى ورتالىق ازيا حالىقارالىق ينستيتۋتىندا ەۋروپا مەن ورتالىق ازياداعى ساياسي تالداۋ ورتالىقتارىنىڭ فورۋمى ءوتتى.
ۇقساس جاڭالىقتار
