استانادا جاياۋ جۇرگىنشىلەر وتكەلىندە ايەلدى قاعىپ، ونىڭ ولىمىنە سەبەپ بولعان اۆتوبۋس جۇرگىزۋشىسى سوتتالدى. بۇل تۋرالى باس پروكۋراتۋرانىڭ ءباسپاسوز قىزمەتى مالىمدەدى، دەپ حابارلايدى "ادىرنا".
«سوت ۇكىمىمەن ول ەكى جىل ءبىر ايعا باس بوستاندىعىنان ايىرىلىپ، بەس جىل مەرزىمگە كولىك قۇرالىن باسقارۋ قۇقىعىنان ايىرىلدى»، – دەلىنگەن جۇما كۇنگى حابارلامادا.
پروكۋراتۋرانىڭ مالىمەتىنشە، جۇرگىزۋشى ۇيالى تەلەفونمەن سويلەسىپ كەلە جاتىپ، رەتتەلمەيتىن جاياۋ جۇرگىنشىلەر وتكەلىنەن ءوتىپ بارا جاتقان 57 جاستاعى ايەلدى قاعىپ كەتكەن. اۋىر جاراقات العان ايەل اۋرۋحانادا قايتىس بولعان.
سوتتا مەملەكەتتىك ايىپتاۋشى سوتتالۋشىنىڭ كىناسىن تولىق دالەلدەدى.
سوت ۇكىمى زاڭدى كۇشىنە ەندى.
ۇقساس جاڭالىقتار
