قازاقستان پرەزيدەنتى قاسىم-جومارت توقاەۆ 17 قاراشادا ەۋروپاداعى قارۋلى كۇشتەر تۋرالى كەلىسىمگە (ەقكك) قاتىسۋدى توقتاتۋ تۋرالى شەشىم قابىلدادى، دەپ حابارلايدى "ادىرنا" ۇلتتىق پورتالى.
ەقكك العاش 1990 جىلعى قاراشادا ناتو-نىڭ 16 مەملەكەتى مەن ۆارشاۆا ۇيىمىنىڭ 6 مەملەكەتى اراسىندا قول قويىلعان. كەلىسىم اتلانت مۇحيتىنان ورالعا دەيىنگى اۋماقتا تانكتەر، برونەتەحنيكا، 100 مم جانە ودان جوعارى كاليبرلى ارتيللەريالىق قۇرالدار، ۇرىس ۇشاقتارى جانە شابۋىلداۋشى تىكۇشاقتاردىڭ سانىنا شەكتەۋ قويۋدى قاراستىرعان.
جالپى، كەلىسىمگە 28 مەملەكەت قوسىلدى. 1999 جىلى ىستامبۇلداعى ەقىۇ سامميتىندە ەقكك-ءنىڭ بەيىمدەلگەن نۇسقاسى ۇسىنىلدى، بىراق ونى تەك رەسەي، بەلارۋس، قازاقستان جانە ۋكراينا راتيفيكاتسيالادى.
2007 جىلى رەسەي كەلىسىمدەگى قاتىسۋىن توقتاتىپ، 2023 جىلى ودان تولىقتاي شىقتى. رەسەيدىڭ شىعۋىنان كەيىن ناتو ەلدەرى دە ەقكك-دان ءوز قاتىسۋىن بەلگىسىز مەرزىمگە توقتاتتى. سول سەكىلدى بەلارۋس، ۋكراينا جانە مولدوۆا دا وسىنداي شەشىمدەر قابىلداعان.
قازاقستاننىڭ بۇل قادامى ءوز ەلىنىڭ قاۋىپسىزدىگىن قامتاماسىز ەتۋگە باعىتتالعان دەپ حابارلاندى.
