Qazaqstan Prezidentı Qasym-Jomart Toqaev 17 qaraşada Europadaǧy Qaruly Küşter turaly Kelısımge (EQKK) qatysudy toqtatu turaly şeşım qabyldady, dep habarlaidy "Adyrna" ūlttyq portaly.
EQKK alǧaş 1990 jylǧy qaraşada NATO-nyŋ 16 memleketı men Varşava ūiymynyŋ 6 memleketı arasynda qol qoiylǧan. Kelısım Atlant mūhitynan Oralǧa deiıngı aumaqta tankter, bronetehnika, 100 mm jäne odan joǧary kalibrlı artilleriialyq qūraldar, ūrys ūşaqtary jäne şabuyldauşy tıkūşaqtardyŋ sanyna şekteu qoiudy qarastyrǧan.
Jalpy, kelısımge 28 memleket qosyldy. 1999 jyly Ystambūldaǧy EQYŪ sammitınde EQKK-nıŋ beiımdelgen nūsqasy ūsynyldy, bıraq ony tek Resei, Belarus, Qazaqstan jäne Ukraina ratifikasiialady.
2007 jyly Resei kelısımdegı qatysuyn toqtatyp, 2023 jyly odan tolyqtai şyqty. Reseidıŋ şyǧuynan keiın NATO elderı de EQKK-dan öz qatysuyn belgısız merzımge toqtatty. Sol sekıldı Belarus, Ukraina jäne Moldova da osyndai şeşımder qabyldaǧan.
Qazaqstannyŋ būl qadamy öz elınıŋ qauıpsızdıgın qamtamasyz etuge baǧyttalǧan dep habarlandy.
