شىمكەنت قالاسىنداعى ء“بىلىم-يننوۆاتسيا” قىز بالالارعا ارنالعان №2 ليتسەي-ينتەرناتىنىڭ 11-سىنىپ وقۋشىسى دايانا تۋلكۋنوۆا حالىقارالىق ءبىلىم كەڭىستىگىندە زور جەتىستىككە جەتىپ، الەمدىك دەڭگەيدەگى 8 بەدەلدى ۋنيۆەرسيتەت پەن مەكتەپتەن رەسمي شاقىرتۋ الدى.
اتاپ ايتقاندا، Chinese University of Hong Kong (QS World #36), گەرمانياداعى تولىق گرانت ۇسىنعان Constructor University, SP Jain School of Global Management, Guangdong Medical University, Guangxi University of Electronic Technology (GUET), North China University of Science and Technology, Shandong University of Technology جانە يتالياداعى تولىق گرانتپەن شاقىرعان H-Farm International School سىندى وقۋ ورىندارى داياناعا ەسىگىن اشتى.
سونىمەن قاتار ول LaunchX جانە Lumiere Academy سەكىلدى بەدەلدى زەرتتەۋ باعدارلامالارىنان گرانت يەلەنىپ، عىلىمي جوبالارمەن اينالىسۋعا مۇمكىندىك الدى. دايانا — International Biology Olympiad (OCSO) جانە INFOMATRIX حالىقارالىق وليمپيادالارىنىڭ ءفيناليسى، سوڭعىسىندا قولا مەدال جەڭىپ العان. بۇل تابىستارىنىڭ ارقاسىندا اۋەس جانە اەتۋ ۋنيۆەرسيتەتتەرىنەن دە ءبىلىم گرانتتارىنا يە بولدى. سونىمەن بىرگە، ول 2025 جىلى مالايزيادا وتەتىن World Economic and Leadership Forum اياسىندا الەمدىك جاس كوشباسشىلار قاتارىنا ارنايى شاقىرتۋ العان.
“وسى جىلدىڭ باسىندا شەتەلگە وقۋعا ءتۇسۋ تۋرالى شەشىمدى كەش قابىلدادىم، بىراق ەشقاشان كەش ەمەس ەكەنىنە كوزىم جەتتى. قازىر مەديتسينا جولىن تاڭدادىم. ارمانىم — ەلىمنىڭ يگىلىگىنە قىزمەت ەتەتىن بىلىكتى حيرۋرگ بولۋ. ەڭ باستىسى — سەنىم مەن تىنىمسىز ەڭبەك ءبارىن جەڭەدى”، — دەيدى دايانا تۋلكۋنوۆا.
