استانا بوس جۇمىس ورىندارى جارمەڭكەسى ءوتتى، دەپ حابارلايدى “ادىرنا”.
مەملەكەت باسشىسى قاسىم-جومارت توقاەۆ ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە «جاڭا جۇمىس ورىندارى ۋاقىتشا ەمەس، تۇراقتى بولعانى ءجون» دەگەن بولاتىن.
بۇگىنگى تاڭدا ءار ايماق بويىنشا جۇمىسپەن قامتۋ كارتالارى بەكىتىلگەن. جوسپارعا سايكەس جىل سايىن 950 مىڭ ادامعا جۇمىس تاۋىپ بەرۋ كوزدەلگەن. ولاردىڭ بارلىعى دەرلىك جاستار مەن الەۋمەتتىك تۇرعىدان وسال ساناتتاعى ازاماتتار.
استانا قالاسى اكىمدىگىنىڭ ەڭبەك موبيلدىلىگى ورتالىعى ۇيىمداستىرعان «بوس جۇمىس ورىندارى جارمەڭكەسى» حالىقتى تۇراقتى جۇمىسپەن قامتۋدىڭ نەگىزگى كوزىنە اينالىپ وتىر. سەبەبى جىل باسىنان بەرى ورتالىق ارقىلى 8 مىڭعا جۋىق ادام ءوز جۇمىسىن تاپقان.
«بوس جۇمىس ورىندارى جارمەڭكەسى» وسىمەن ون ەكىنشى رەت وتكىزىلىپ وتىر. تامىز ايىنىڭ سوڭىندا تاعى بىرەۋى وتەدى، ال جىل سوڭىنا دەيىن بەس جارمەڭكە وتكىزۋ جوسپارىمىز بار. مۇنداي شارالار جۇمىس بەرۋشىگە دە، جۇمىس ىزدەۋشىگە دە مۇمكىندىك بەرەدى. ويتكەنى، جۇمىس ىزدەپ جۇرگەن ادام جۇمىس بەرۋشىمەن تىكەلەي سۇحباتتاسۋ مۇمكىندىگىنە يە. ءتىپتى، بىردەن جيىرما شاقتى مەكەمەگە ءوز تۇيىندەمەسىن قالدىرىپ، قىسقا ۋاقىتتا جۇمىس تابۋىنا بولادى»، – دەيدى استانا قالاسى اكىمدىگىنىڭ ەڭبەك موبيلدىلىگى ورتالىعىنىڭ ديرەكتورى ومار ولجاس.
جارمەڭكەگە جۇمىس ىزدەپ كەلگەندەردىڭ دەنى وقۋ ورىندارىن ەندى بىتىرگەن تۇلەكتەر ەكەنى بايقالادى. ولار كوبىنە ءبىلىم بەرۋ، مەديتسينا، IT جانە قارجى سالالارى بويىنشا جۇمىس بەرۋشىلەرمەن سۇحباتتاستى.
«استانا قالاسىنىڭ «ەڭبەك موبيلدىلىگى ورتالىعى» جىل باسىنان بەرى 18 شاعىن جانە 2 ءىرى بوس جۇمىس ورىندار جارمەڭكەسىن وتكىزگەن بولاتىن. وسى ارالىقتا جارمەڭكەمىزگە 286 جۇمىس بەرۋشى 3 مىڭعا جۋىق بوس جۇمىس ورنىمەن قاتىستى. ال بۇگىن 75-تەن استام ءىرى جۇمىس بەرۋشى كەلۋشىلەرگە 600-گە جۋىق بوس جۇمىس ورنىن ۇسىنىپ وتىر. جارمەڭكەگە ءارتۇرلى سالاداعى جۇمىس بەرۋشىلەر قاتىستى. ماسەلەن، قۇرىلىس، دەنساۋلىق ساقتاۋ، ءبىلىم بەرۋ، قارجى سالالارى جانە ت.ب. جىكتەمەلەپ ايتار بولساق، بۇگىنگى تاڭدا «جاسىل ايماق» ۇيىمىنا 30-40 جۇرگىزۋشى، استانا قالالىق پوليتسيا دەپارتامەنتىنە 100 قىزمەتكەر قاجەتتىلىگى بار. ودان بولەك، حالىق بانكى، حوۋم كرەديت بانكى، «بازيس-ا» قۇرىلىس كومپانياسى، «تسەنتركازەنەرگمونتاج» اق، «ماگنۋم» ساۋدا جەلىسى، «مەچتا» دۇكەنى، «SMEU Astana» جشس جانە باسقا دا كوپتەگەن كومپانيالار جۇمىس ىزدەگەن جاندارعا بوس ورىن ۇسىنۋعا ءازىر»، – دەدى استانا قالاسى اكىمدىگىنىڭ «ەڭبەك موبيلدىلىگى ورتالىعى» كمم «سارىارقا» مانساپ ورتالىعىنىڭ باسشىسى باعيلا ورىمبەتوۆا.
ءتارتىپ ساقشىسى بولعىسى كەلەتىندەر ەڭ الدىمەن بۇعان دەيىن قىلمىستىق جانە اكىمشىلىك جاۋاپكەرشىلىككە تارتىلماعان بولۋى ءتيىس.
«پارترۋلدىك پوليتسيا پولكىنە جاسى 18-35 جاس ارالىعىندا نەمەسە ارنايى ورتا بىلىمدەرى قۇقىقتانۋ ماماندىعى، دەنە شىنىقتىرۋ ماماندىعى، جول قوزعالىسىن ۇيىمداستىرۋ ماماندىقتارى بويىنشا جۇمىسقا قابىلدايمىز»، - دەدى استانا قالالىق پد پاترۋلدىك پوليتسيا پولكى روتا كومانديرىنىڭ ورىنباسارى اسىلحان جۇزباەۆ.
«ءوز جۇمىسىمدى تاپتىم. پارترۋلدىك پوليتسياعا قىزىعۋشىلىق تانىتىپ وتىرمىن. تالاپتارى كەلىپ تۇر. الدىمەن مەملەكەتتىك ەمتيحان تاپسىرۋىم كەرەك ەكەن. سوسىن بارىپ پاۆلودارعا ەكى ايعا وقۋعا جىبەرەدى. جالاقىسى العاشقىدا 180 مىڭ تەڭگە دەلىندى. جالپى بارۋعا نيەت بار»، - دەپ ىنتا ءبىلدىردى جۇمىس ىزدەۋشى اينابەك مۇسىلمان.
«ءيا، مەكتەپتەرگە بارىپ كوردىم. كونكۋرسقا قۇجاتتارىمدى تاپسىردىم. جالاقىسى 200 مىڭنان باستالادى ەكەن. نەگىزگى ماماندىعىم – ماتەماتيكا ءپانى مۇعالىمى. تالاپتارى سول بارىندە دەرلىك بىردەي. بۇعان دەيىن كوللەدجدە ىستەگەنمىن. ەندى مەكتەپكە كىرگىم كەلەدى»، - دەدى قالا تۇرعىنى جاستالاپوۆا جانارگۇل.
