ەۋروپالىق وداقتىڭ سانكتسيالار جونىندەگى ەلشىسى ءۇش جىل ىشىندە بەسىنشى رەت قازاقستانعا ساپار جاسايدى، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
ەو ەلشىلىگىنىڭ ءباسپاسوز قىزمەتى حابارلاعانداي، دەۆيد و’سالليۆان 18-19 قاراشادا قازاقستانعا كەلىپ، رەسمي تۇلعالارمەن بىرقاتار كەزدەسۋلەر وتكىزەدى.
و’سالليۆان قازاقستانعا بۇعان دەيىن ءتورت رەت كەلگەن. ەڭ العاشقى ساپار 2023 جىلعى قاراشادا، ەكىنشى رەت كەلۋى 2024 جىلعى ساۋىردە، ءۇشىنشى جۇمىس ساپارى 2024 جىلعى ماۋسىمدا، ءتورتىنشى رەت 2025 جىلعى قاڭتاردا وتكەن.
ەلشىلىك اتاپ وتكەندەي، ەۋروپالىق كوميسسيا سانكتسيالار جونىندەگى حالىقارالىق ارنايى ەلشىنىڭ لاۋازىمىن ەنگىزگەن. بۇل لاۋازىمنىڭ ماقساتى — ءۇشىنشى ەلدەرمەن جوعارى دەڭگەيدە ۇزدىكسىز تالقىلاۋ جۇرگىزىپ، رەسەيگە قارسى ەنگىزىلگەن شەكتەۋلەردى اينالىپ وتۋگە جول بەرمەۋ.
دەۆيد و’سالليۆان 2023 جىلدىڭ قاڭتارىنان باستاپ وسى قىزمەتتى اتقارىپ كەلەدى.
