قازاقستان كورشىلەس رەسەيمەن بىرگە +7 تەلەفون كودىن بىرلەسىپ پايدالانۋ تۋرالى كەلىسىم جوباسىن ماقۇلدادى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
«قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 7-ءنومىر ايماعىن بىرلەسىپ پايدالانۋ تۋرالى كەلىسىم جوباسىن بەكىتسىن»، - دەلىنگەن قازاقستان ۇكىمەتىنىڭ قاۋلىسىندا.
بۇل قۇجاتقا سايكەس، تەك رەسەيگە كەلەسى كود دياپازوندارى بەكىتىلمەك: 200 – 299, 300 – 399, 400 – 499, 500 – 599, 810 - 818, 820 - 821, 831, 833 - 836, 840- 848, 850 - 851, 855 - 857, 860 - 863, 865 - 867, 869 جانە 871 - 873, 877- 880, 900 – 999.
ال قازاقستانعا تەك كەلەسى كود دياپازوندارى بەكىتىلمەك: 000 – 099, 600 – 699 جانە 700 – 799.
قازاقستان مەن رەسەيگە بىرلەسىپ پايدالانۋ ءۇشىن بەكىتىلەتىن كود دياپازوندارى مىنالار: 100 – 199, 800 – 809 جانە 881 – 899.
«كود دياپازوندارى بىرلەسىپ پايدالانىلعان جاعدايدا تاراپتار: 1) بىرلەسىپ پايدالانىلاتىن كود دياپازوندارىندا كودتاردى ءوز ەلدەرىنىڭ زاڭناماسىنا سايكەس دەربەس تاعايىندايدى; 2) اتالعان كود دياپازوندارىنداعى نومىرلەردى تەك ءوز مەملەكەتتەرىنىڭ تەلەفون بايلانىسى جەلىلەرىندە پايدالانادى. بولىنبەگەن كود رەسۋرستارى (26 كود - 819, 822 - 829, 830, 832, 837 - 839, 849, 852 - 854, 858 - 859, 864, 868, 870, 874 - 876) جالپى رەزەرۆتە بەكىتىلەدى. رەزەرۆتەن شىعارۋ جانە كەيىنگى ءبولۋ تاراپتاردىڭ ءوزارا كەلىسىمى بويىنشا جۇزەگە اسىرىلادى جانە قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 7-ءنومىر ايماعىن بىرلەسىپ پايدالانۋ تۋرالى كەلىسىمگە جەكە حاتتامالار ارقىلى رەسىمدەلەدى، ولار وسى كەلىسىمنىڭ اجىراماس بولىكتەرى بولىپ تابىلادى»، - دەلىنگەن قۇجاتتىڭ ەسكەرتپەسىندە.
