Prezidenttıŋ eks-keŋesşısı, Memleket basşysynyŋ halyqaralyq ekologiialyq yntymaqtastyq jönındegı būrynǧy arnaiy ökılı Zülfiia Süleimenova jaŋa qyzmetke taǧaiyndaldy, dep habarlaidy "Adyrna" ūlttyq portaly.
Vedomstvonyŋ baspasöz qyzmetı mälımetınşe, Zülfiia Süleimenova Qazaqstan Respublikasynyŋ syrtqy ıster ministrlıgınde erekşe tapsyrmalar jönındegı elşı qyzmetıne taǧaiyndaldy.
Zülfiia Süleimenova 1990 jyly Aqtöbe qalasynda düniege kelgen. 2012 jyly L.N. Gumilev atyndaǧy Euraziia ūlttyq universitetın «halyqaralyq qatynastar» mamandyǧy boiynşa tämamdap, 2014 jyly halyqaralyq qatynastar magistrı därejesın alǧan. 2016 jyldan bastap Japoniiadaǧy Ūlttyq saiasi zertteuler institutynda (GRIPS) PhD doktorantura baǧdarlamasy boiynşa bılım alǧan.
Eŋbek jolyn 2013 jyly bastaǧan.
2014–2015 jyldary Qazaqstan Prezidentı janyndaǧy Qazaqstan strategiialyq zertteuler institutynyŋ syrtqy saiasat jäne halyqaralyq qauıpsızdık bölımınde ǧylymi qyzmetker bolyp jūmys ıstegen.
2015–2017 jyldary BŪŪ-nyŋ Aziia jäne Tynyq mūhity üşın Ekonomikalyq jäne äleumettık komissiiasynda (ESKATO) qorşaǧan orta jäne damu, energetika, makroekonomikalyq saiasat jäne damu qarjylandyru bölımderınde qyzmet atqarǧan.
2019 jyly BŪŪ Damu baǧdarlamasynyŋ Türıkmenstan men Qazaqstandaǧy jobalarynda jäne ESKATO ūiymynda jūmys ıstegen.
2020–2021 jyldary Qazaqstannyŋ ekologiia, geologiia jäne tabiǧi resurstar ministrlıgınde klimattyq saiasat jäne «jasyl» tehnologiialar departamentı direktorynyŋ orynbasary qyzmetın atqardy.
2021–2022 jyldary Mäjılıstıŋ VII şaqyrylym deputaty, halyqaralyq ıster, qorǧanys jäne qauıpsızdık komitetınıŋ müşesı boldy.
2022 jylǧy nauryzdan 2023 jylǧy qaŋtarǧa deiın ekologiia, geologiia jäne tabiǧi resurstar vise-ministrı qyzmetın atqardy.
2023 jylǧy 4 qaŋtarda ekologiia jäne tabiǧi resurstar ministrı bolyp taǧaiyndalǧan.
2023 jylǧy 21 qyrküiekte Prezident jarlyǧymen Memleket basşysynyŋ keŋesşısı, halyqaralyq ekologiialyq yntymaqtastyq jönındegı arnaiy ökılı lauazymyna taǧaiyndalǧan edı.
Al 2025 jylǧy 25 qyrküiekte Zülfiia Süleimenova būl qyzmetınen bosatyldy.
