رەسەيدىڭ سىرتقى ىستەر ءمينيسترى سەرگەي لاۆروۆ قازاقستان مينيسترلىگىنە حابارلاستى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
بۇل تۋرالى قازاقستاننىڭ رەسەيدەگى ەلشىلىگى مالىمدەدى.
«رەسەي تاراپىنىڭ باستاماسىمەن قازاقستان رەسپۋبليكاسىنىڭ پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ مەن رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆ اراسىندا تەلەفون ارقىلى اڭگىمە ءوتتى. مينيسترلەر مەملەكەت باسشىلارىنىڭ تاپسىرمالارىن ۋاقتىلى ورىنداۋعا باسا نازار اۋدارا وتىرىپ، 2024 جىلعى ەكىجاقتى ءوزارا ءىس-قيمىل قورىتىندىلارىن تالقىلاپ، الداعى جوعارى جانە جوعارعى دەڭگەيدەگى ءىس-شارالار كۇنتىزبەسىن كەلىستى»، – دەلىنگەن بەيسەنبى كۇنگى حابارلامادا.
ەكى تاراپ قازاق-رەسەي قارىم-قاتىناستارىنىڭ دامۋ قارقىنىن جوعارى باعالاپ، ءارتۇرلى سالالارداعى ستراتەگيالىق سەرىكتەستىكتى نىعايتۋ جوسپارلارىن تالقىلادى.
«سونداي-اق حالىقارالىق كۇن تارتىبىندەگى وزەكتى ماسەلەلەر مەن كوپجاقتى فورماتتاعى ىنتىماقتاستىق تۋرالى پىكىر الماستى»، – دەلىنگەن حابارلامادا.
