بيىل قازاندا بۇقار جىراۋ اۋدانىنا قاراستى عابيدەن مۇستافين كەنتىندە نۇرا وزەنىنىڭ ۇستىنەن جاڭا كوپىر اشىلىپ، تۇرعىندار قۋانىشقا بولەندى.
جەرگىلىكتى تۇرعىندار ءۇشىن بۇل – كوپتەن كۇتكەنكۇن. مۇنداعى ەسكى وتكەلءدى 2015 جىلى كوكتەمگى سۋ تاسقىنى شايىپ كەتكەن ەدى. سول قيىن ساتتە كوپتەگەن قازاقستاندىقتار قول ۇشىن سوزىپ، تۇرعىندارعا مورالدىق جانە ماتەريالدىق كومەك كورسەتتى. زارداپ شەككەندەرگە جاڭا ۇيلەر سالىندى. الايدا، وتكەن عاسىردىڭ 60-جىلدارى سالىنعان كوپىر ءبۇلىنىپ، سودان بەرى كەنت تۇرعىندارى تەمىرتاۋعا جەتۋ ءۇشىن اينالما جولمەن شامامەن ءبىر ساعاتتاي جۇرەتىن. 12 شاقىرىمدىق جول 40 شاقىرىمعا دەيىن ۇزاردى.
جەرگىلىكتى ءوزىن-ءوزى باسقارۋ كوميتەتىنىڭ ءتوراعاسىتاتيانا پچەلينتسەۆا جاڭا كوپىردىڭ سالىنۋى اۋىل ءومىرىن ايتارلىقتاي جەڭىلدەتكەن تاريحي ءسات ەكەنىن ايتادى. ەندى اۋىل مەن تەمىرتاۋ اراسىنداعى قاتىناس قايتا جانداندى. كولىك قوزعالىسى قاۋىپسىز ءارى ىڭعايلى بولدى.
– شىنىندا دا، ءبىزدىڭ كوپىر اپاتتى جاعدايدا ەدى. تابيعاتتىڭ تەگەۋرىنىنە توتەپ بەرە الماي، تىرەۋلەرى قيسايىپ، جارامسىز كۇيگە ءتۇستى. سوندىقتان, جاڭا وتكەل سالۋ قاجەتتىلىگى تۋدى. ارينە، ءبىز بۇل ماسەلە بويىنشا ءتۇرلى مەكەمەلەرگە جۇگىندىك، باقىتىمىزعا وراي، ءبىزدىڭ وتىنىشتەرىمىز ەسكەرىلىپ، قولداۋ تاپتى. وسى ماسەلەنى كوتەرىپ، بەلسەندى جۇمىس جۇرگىزگەندەردىڭ قاتارىندا تۇرعىندارىمىز پەتر فەدچەنكو مەن لەۆ بازەلەۆ بولدى. مىسالى، پەتر افاناسەۆيچ – زەينەتكەر، جاسى 86-دا. بىراق، ول ءاردايىم ماڭىزدى ماسەلەلەردىڭ شەشىلۋىنە مۇرىندىق بوپ جۇرەدى. بۇل – وراسان ەڭبەك! كوپىر قۇرىلىسىنا دا ءبىرشاما دايىندىق جۇمىستارى جۇرگىزىلدى. جوبانى ىسكە اسىرۋ 2023 جىلى باستالدى. مىنە، ءبىز ءۇشىن كوپتەن كۇتكەن وقيعا جۇزەگە استى، – دەيدى تاتيانا پچەلينتسەۆا.
عابيدەن مۇستافين كەنتىنىڭ تۇرعىندارى مۇنداي سىي ءۇشىن شىن جۇرەكتەن العىس ايتۋدا. ولار, ءتىپتى, ەل پرەزيدەنتى قاسىم-جومارت توقاەۆتىڭ اتىنا حات جولداپ، ءوز ريزاشىلىقتارىن جەتكىزگەن.
– ءبىز كوپىردىڭ قۇرىلىسىنا قاتىستى وتىنىشپەن ءتۇرلى مەملەكەتتىك ورگاندارعا حات جىبەردىك. ارينە، بۇل وڭاي ماسەلە بولعان جوق، قوماقتى قارجى ءبولۋدى قاجەت ەتتى. ءوتىنىشىمىز نازاردان تىس قالمادى. كومەك كورسەتكەن بارشا جانعا وبلىسىمىزدىڭ دەپۋتاتتارىنا دا، جەرگىلىكتى بيلىك وكىلدەرىنە دە رياسىز العىس ايتامىز، – دەگەن تۇرعىندار مەملەكەت باسشىسىنا ريزاشىلىقتارىن ءبىلدىردى.
تۇرعىندار جاڭا كوپىر ءوز وڭىرلەرىنىڭ دامۋىنا تىڭ سەرپىن بەرەدى دەپ سەنەدى. وتكەل تەك كولىك قوزعالىسىن ارتتىرىپ، تاسىمالدى جەڭىلدەتىپ قانا قويماي، جۇمىسپەن قامتۋعا دا قوسىمشا مۇمكىندىك اشادى. ەڭ باستىسى, قاراپايىم اۋىل تۇرعىندارىنىڭ تۇرمىسى ەداۋىر جاقسارادى.
