Biyl qazanda Būqar jyrau audanyna qarasty Ǧabiden Mūstafin kentınde Nūra özenınıŋ üstınen jaŋa köpır aşylyp, tūrǧyndar quanyşqa bölendı.
Jergılıktı tūrǧyndar üşın būl – köpten kütkenkün. Mūndaǧy eskı ötkeldı 2015 jyly köktemgı su tasqyny şaiyp ketken edı. Sol qiyn sätte köptegen qazaqstandyqtar qol ūşyn sozyp, tūrǧyndarǧa moraldyq jäne materialdyq kömek körsettı. Zardap şekkenderge jaŋa üiler salyndy. Alaida, ötken ǧasyrdyŋ 60-jyldary salynǧan köpır bülınıp, sodan berı kent tūrǧyndary Temırtauǧa jetu üşın ainalma jolmen şamamen bır saǧattai jüretın. 12 şaqyrymdyq jol 40 şaqyrymǧa deiın ūzardy.
Jergılıktı özın-özı basqaru komitetınıŋ töraǧasyTatiana Pchelinseva jaŋa köpırdıŋ salynuy auyl ömırın aitarlyqtai jeŋıldetken tarihi sät ekenın aitady. Endı auyl men Temırtau arasyndaǧy qatynas qaita jandandy. Kölık qozǧalysy qauıpsız ärı yŋǧaily boldy.
– Şynynda da, bızdıŋ köpır apatty jaǧdaida edı. Tabiǧattyŋ tegeurınıne tötep bere almai, tıreulerı qisaiyp, jaramsyz küige tüstı. Sondyqtan, jaŋa ötkel salu qajettılıgı tudy. Ärine, bız būl mäsele boiynşa türlı mekemelerge jügındık, baqytymyzǧa orai, bızdıŋ ötınışterımız eskerılıp, qoldau tapty. Osy mäselenı köterıp, belsendı jūmys jürgızgenderdıŋ qatarynda tūrǧyndarymyz Petr Fedchenko men Lev Bazelev boldy. Mysaly, Petr Afanasevich – zeinetker, jasy 86-da. Bıraq, ol ärdaiym maŋyzdy mäselelerdıŋ şeşıluıne mūryndyq bop jüredı. Būl – orasan eŋbek! Köpır qūrylysyna da bırşama daiyndyq jūmystary jürgızıldı. Jobany ıske asyru 2023 jyly bastaldy. Mıne, bız üşın köpten kütken oqiǧa jüzege asty, – deidı Tatiana Pchelinseva.
Ǧabiden Mūstafin kentınıŋ tūrǧyndary mūndai syi üşın şyn jürekten alǧys aituda. Olar, tıptı, el Prezidentı Qasym-Jomart Toqaevtyŋ atyna hat joldap, öz rizaşylyqtaryn jetkızgen.
– Bız köpırdıŋ qūrylysyna qatysty ötınışpen türlı memlekettık organdarǧa hat jıberdık. Ärine, būl oŋai mäsele bolǧan joq, qomaqty qarjy böludı qajet ettı. Ötınışımız nazardan tys qalmady. Kömek körsetken barşa janǧa oblysymyzdyŋ deputattaryna da, jergılıktı bilık ökılderıne de riiasyz alǧys aitamyz, – degen tūrǧyndar Memleket basşysyna rizaşylyqtaryn bıldırdı.
Tūrǧyndar jaŋa köpır öz öŋırlerınıŋ damuyna tyŋ serpın beredı dep senedı. Ötkel tek kölık qozǧalysyn arttyryp, tasymaldy jeŋıldetıp qana qoimai, jūmyspen qamtuǧa da qosymşa mümkındık aşady. Eŋ bastysy, qarapaiym auyl tūrǧyndarynyŋ tūrmysy edäuır jaqsarady.
