اقتوبە وبلىسىندا جەم قالاسىن بۇرىنعى اەرودروممەن بايلانىستىراتىن كوپىر وپىرىلىپ ءتۇستى، دەپ حابارلايدى "ادىرنا" ۇلتتىق پورتالى.
"شارۋا قوجالىقتارىنىڭ يەلەرى وسى جولمەن ءجۇرىپ وتكەن. تىكۇشاقتار ءالى دە اەرودرومعا قونۋدا. بۇل وعان اپاراتىن جالعىز جول", - دەلىنگەن Instagram جازباسىندا.
مۇعالجار اۋدانىنىڭ اكىمدىگى جەرگىلىكتى تۇرعىنداردىڭ دەمەۋشىلىگىمەن كوپىردىڭ ۋاقىتشا قالپىنا كەلتىرىلەتىنىن حابارلادى.
بيىلعى جىلى كوپىرمەن بىرگە جەمدەگى اەرودرومعا باراتىن جولدى جاڭعىرتۋ ءۇشىن جوبالىق-سمەتالىق قۇجاتتاما ازىرلەندى. وسىعان سايكەس ءتيىستى قارجى قارالىپ، قۇرىلىس جۇمىستارى جۇرگىزىلەتىن بولادى، دەپ قوستى اكىمدىك.
