تۇركىستان وبلىسىندا ادام ولىمىنە اكەلگەن جول-كولىك وقيعاسى تىركەلدى، دەپ حابارلايدى "ادىرنا" ۇلتتىق پورتالى.
جول اپاتى سالدارىنان جەتى ادام قازا تاپتى.
الدىن الا مالىمەتكە سايكەس، قايعىلى وقيعا شايان – ەكپىندى اۆتوجولىندا بولعان. Toyota Camry جانە Volkswagen Passat ماركالى ەكى جەڭىل كولىك بەتپە-بەت سوقتىعىسقان. سالدارىنان ەكى كولىكتەگى جەتى ادام وقيعا ورنىندا كوز جۇمدى.
تۇركىستان وبلىسى پوليتسيا دەپارتامەنتىنىڭ حابارلاۋىنشا، اتالعان دەرەك بويىنشا سوتقا دەيىنگى تەرگەۋ باستالدى. قازىر جول اپاتىنىڭ سەبەپتەرى مەن ءمان-جايىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر.
پوليتسيا دەپارتامەنتى جۇرگىزۋشىلەرگە جول قوزعالىسى ەرەجەلەرىن قاتاڭ ساقتاۋدى، جىلدامدىقتى جول جاعدايىنا قاراي تاڭداۋدى جانە كولىك قۇرالىن باسقارۋ كەزىندە بارىنشا مۇقيات بولۋدى ەسكەرتتى.
