حالىق جازۋشىسى، اقىن مۇحتار شاحانوۆتىڭ قۇرمەتىنە اشىلعان «مۇحتار شاحانوۆ اتىنداعى قور» رەسمي تۇردە تىركەلدى. بۇل تۋرالى اقىننىڭ شاكىرتى، قوعام بەلسەندىسى بەرىك اعىباەۆ مالىمدەدى، دەپ حابارلايدى «ادىرنا» ءتىلشىسى.
ايتۋىنشا، قوردىڭ باستى ماقساتى – مۇحتار شاحانوۆتىڭ رۋحاني مۇراسىن، ادىلدىك پەن ار-وجدان يدەياسىن كەلەر ۇرپاققا جەتكىزۋ, جاستاردى ەلىن سۇيەتىن، نامىسى بيىك، ءادىل جانە رۋحتى تۇلعا ەتىپ تاربيەلەۋ.
«مەنى وسى قوردىڭ توراعاسى ەتىپ سايلادى. بۇل قور — جاي عانا ۇيىم ەمەس، ول ادىلدىك پەن ار-وجداننىڭ، رۋح پەن نامىستىڭ، شىندىق پەن ۇلتقا ادالدىقتىڭ ۇياسى بولماق»،–دەدى ول.
بەرىك اعىباەۆ بۇل باستامانى «شاحانوۆ مەكتەبىنىڭ جالعاسى، قازاق رۋحىن جاڭعىرتۋدىڭ سيمۆولى» دەپ باعالادى.
«قازىر قوعامدا مەيىرىم، ادىلدىك، ۇيات، نامىس، رۋح سياقتى ۇعىمدار ەكىنشى قاتارعا ىسىرىلىپ بارادى. شاحانوۆ مەكتەبى وسى قۇندىلىقتاردى قايتا جاڭعىرتۋدىڭ باستاۋى بولادى دەپ سەنەمىن. بۇل جول — ورتاق جول. بىرىگىپ، ەل رۋحىن بىرگە كوتەرەيىك!شاحانوۆ رۋحى — قازاق رۋحى. ول ماڭگى جاساسىن!» — دەپ تۇيىندەدى بەلسەندى.
