قازاقستان حالقى اسسامبلەياسىنىڭ 30 جىلدىعىنا وراي 2025 جىلعى 29 قازاندا استانا قالاسىنداعى دوستىق ۇيىندە «الەۋمەتتىك جانە ەتنوسارالىق قاقتىعىستاردى رەتتەۋدەگى مەدياتسيانىڭ ءرولى» اتتى حالىقارالىق عىلىمي كونفەرەنتسيا ءوتتى.
ءىس-شارانى استانا قالاسىنىڭ قازاقستان حالقى اسسامبلەياسى ۇيىمداستىردى.
كونفەرەنتسيانىڭ باستى ماقساتى – الەۋمەتتىك جانە ەتنوسارالىق قاقتىعىستاردىڭ الدىن الۋ مەن شەشۋدىڭ ءتيىمدى تەتىكتەرىن انىقتاۋ، مەدياتسيا ينستيتۋتى نەگىزىندە ديالوگ مادەنيەتىن دامىتۋ جانە قوعامدىق كەلىسىمدى نىعايتۋ بولدى.
جيىنعا قازاقستان، قىرعىزستان، وزبەكستان، بولگاريا جانە باسقا ەلدەردىڭ مەملەكەتتىك ورگاندارىنىڭ، حالىقارالىق ۇيىمداردىڭ، ساراپتامالىق قوعامداستىق پەن عىلىمي ينستيتۋتتاردىڭ وكىلدەرى قاتىستى.
كونفەرەنتسيانى استانا قالاسى ىشكى ساياسات باسقارماسى باسشىسىنىڭ ورىنباسارى – قازاقستان حالقى اسسامبلەياسى حاتشىلىعىنىڭ مەڭگەرۋشىسى قۇسايىنوۆا ءلاززات سەيىتقازىقىزى اشىپ بەردى. ول ءوز سوزىندە قالاداعى ەتنوسارالىق تۇراقتىلىقتى ساقتاۋ، مەدياتسيانى دامىتۋ جانە قوعامدىق كەلىسىمدى نىعايتۋ باعىتىندا اتقارىلىپ جاتقان جۇمىستارعا توقتالىپ، اسسامبلەيانىڭ قوعامداعى ديالوگ پەن ءوزارا تۇسىنىستىك مادەنيەتىن قالىپتاستىرۋداعى ءرولىن ەرەكشە اتاپ ءوتتى.
سپيكەرلەر مەدياتسيا ينستيتۋتىنىڭ دامۋى، الەۋمەتتىك شيەلەنىستەردى بەيبىت جولمەن شەشۋ تاجىريبەسى جانە ەلدەر اراسىنداعى ىنتىماقتاستىق ماسەلەلەرىن تالقىلادى. كونفەرەنتسيا حالىقارالىق دەڭگەيدە تاجىريبە الماسۋ الاڭى رەتىندە تانىلىپ، جاھاندىق تۇراقتىلىقتى قامتاماسىز ەتۋدەگى مەدياتسيانىڭ وزەكتىلىگىن كورسەتتى.
قازاقستاننىڭ ەتنوسارالىق كەلىسىم ۇلگىسى حالىقارالىق دەڭگەيدە ەرەكشە اتاپ ءوتىلدى. قازاقستان حالقى اسسامبلەياسىنىڭ مودەلى تولەرانتتىلىق پەن ينكليۋزيۆتى ديالوگ قاعيداتتارىنا نەگىزدەلگەن، بەيبىت ءومىر ءسۇرۋ مەن جانجالداردى بولدىرماۋدىڭ ءتيىمدى قۇرالى رەتىندە باعالاندى.
كونفەرەنتسيا قورىتىندىسى بويىنشا بىرقاتار ۇسىنىمدار قابىلداندى:
- مەملەكەتتىك جانە قوعامدىق دەڭگەيلەردە الەۋمەتتىك جانە ەتنوسارالىق جانجالداردىڭ الدىن الۋدىڭ جانە شەشۋدىڭ نەگىزگى قۇرالى رەتىندە مەدياتسيا ينستيتۋتىن نىعايتۋ;
- جوعارى وقۋ ورىندارىندا مەدياتورلاردى دايارلاۋ جونىندەگى ءبىلىم بەرۋ باعدارلامالارىن ازىرلەۋ جانە ەنگىزۋ;
- حالىقارالىق ىنتىماقتاستىقتى كەڭەيتۋ، مەدياتسيا جانە بىتىمگەرشىلىك سالاسىنداعى تاجىريبەلەر مەن عىلىمي زەرتتەۋلەرمەن الماسۋ ءۇشىن تۇعىرناما قۇرۋ;
- قوعامدىق مەدياتورلاردىڭ مارتەبەسىن نىعايتۋ جانە ولاردىڭ جانجالداردىڭ الدىن الۋعا قاتىسۋىن كەڭەيتۋ ماقساتىندا نورماتيۆتىك-قۇقىقتىق بازانى جەتىلدىرۋ;
- ونلاين-مەدياتسيا جانە قاقتىعىس تاۋەكەلدەرىنە ەرتە مونيتورينگ جۇرگىزۋ ءۇشىن تسيفرلىق جانە يننوۆاتسيالىق قۇرالداردى ىلگەرىلەتۋ;
- ديالوگ پەن زورلىق-زومبىلىقسىز قارىم-قاتىناس مادەنيەتىن قالىپتاستىرۋ جونىندەگى اقپاراتتىق-اعارتۋ جۇمىسىن كۇشەيتۋ;
- جاستار مەن وتباسى ينستيتۋتتارىن قوعامدىق كەلىسىمدى نىعايتۋ جانە بەيبىتشىلىك قۇندىلىقتارىن ىلگەرىلەتۋ پروتسەستەرىنە تارتۋعا جاردەمدەسۋ.
كونفەرەنتسيا قاتىسۋشىلارىنىڭ پىكىرىنشە، قازاقستان تاجىريبەسى بىتىمگەرشىلىك پەن مەدياتسيانىڭ جاڭا جاھاندىق تاسىلدەرىن قالىپتاستىرۋعا نەگىز بولا الادى.
