Qazaqstan halqy Assambleiasynyŋ 30 jyldyǧyna orai 2025 jylǧy 29 qazanda Astana qalasyndaǧy Dostyq üiınde «Äleumettık jäne etnosaralyq qaqtyǧystardy retteudegı mediasiianyŋ rölı» atty halyqaralyq ǧylymi konferensiia öttı.
Is-şarany Astana qalasynyŋ Qazaqstan halqy Assambleiasy ūiymdastyrdy.
Konferensiianyŋ basty maqsaty – äleumettık jäne etnosaralyq qaqtyǧystardyŋ aldyn alu men şeşudıŋ tiımdı tetıkterın anyqtau, mediasiia instituty negızınde dialog mädenietın damytu jäne qoǧamdyq kelısımdı nyǧaitu boldy.
Jiynǧa Qazaqstan, Qyrǧyzstan, Özbekstan, Bolgariia jäne basqa elderdıŋ memlekettık organdarynyŋ, halyqaralyq ūiymdardyŋ, saraptamalyq qoǧamdastyq pen ǧylymi instituttardyŋ ökılderı qatysty.
Konferensiiany Astana qalasy ışkı saiasat basqarmasy basşysynyŋ orynbasary – Qazaqstan halqy Assambleiasy hatşylyǧynyŋ meŋgeruşısı Qūsaiynova Läzzat Seiıtqazyqyzy aşyp berdı. Ol öz sözınde qaladaǧy etnosaralyq tūraqtylyqty saqtau, mediasiiany damytu jäne qoǧamdyq kelısımdı nyǧaitu baǧytynda atqarylyp jatqan jūmystarǧa toqtalyp, Assambleianyŋ qoǧamdaǧy dialog pen özara tüsınıstık mädenietın qalyptastyrudaǧy rölın erekşe atap öttı.
Spikerler mediasiia institutynyŋ damuy, äleumettık şielenısterdı beibıt jolmen şeşu täjıribesı jäne elder arasyndaǧy yntymaqtastyq mäselelerın talqylady. Konferensiia halyqaralyq deŋgeide täjıribe almasu alaŋy retınde tanylyp, jahandyq tūraqtylyqty qamtamasyz etudegı mediasiianyŋ özektılıgın körsettı.
Qazaqstannyŋ etnosaralyq kelısım ülgısı halyqaralyq deŋgeide erekşe atap ötıldı. Qazaqstan halqy Assambleiasynyŋ modelı toleranttylyq pen inkliuzivtı dialog qaǧidattaryna negızdelgen, beibıt ömır süru men janjaldardy boldyrmaudyŋ tiımdı qūraly retınde baǧalandy.
Konferensiia qorytyndysy boiynşa bırqatar ūsynymdar qabyldandy:
- Memlekettık jäne qoǧamdyq deŋgeilerde äleumettık jäne etnosaralyq janjaldardyŋ aldyn aludyŋ jäne şeşudıŋ negızgı qūraly retınde mediasiia institutyn nyǧaitu;
- Joǧary oqu oryndarynda mediatorlardy daiarlau jönındegı bılım beru baǧdarlamalaryn äzırleu jäne engızu;
- Halyqaralyq yntymaqtastyqty keŋeitu, mediasiia jäne bıtımgerşılık salasyndaǧy täjıribeler men ǧylymi zertteulermen almasu üşın tūǧyrnama qūru;
- Qoǧamdyq mediatorlardyŋ märtebesın nyǧaitu jäne olardyŋ janjaldardyŋ aldyn aluǧa qatysuyn keŋeitu maqsatynda normativtık-qūqyqtyq bazany jetıldıru;
- Onlain-mediasiia jäne qaqtyǧys täuekelderıne erte monitoring jürgızu üşın sifrlyq jäne innovasiialyq qūraldardy ılgerıletu;
- Dialog pen zorlyq-zombylyqsyz qarym-qatynas mädenietın qalyptastyru jönındegı aqparattyq-aǧartu jūmysyn küşeitu;
- Jastar men otbasy instituttaryn qoǧamdyq kelısımdı nyǧaitu jäne beibıtşılık qūndylyqtaryn ılgerıletu prosesterıne tartuǧa järdemdesu.
Konferensiia qatysuşylarynyŋ pıkırınşe, Qazaqstan täjıribesı bıtımgerşılık pen mediasiianyŋ jaŋa jahandyq täsılderın qalyptastyruǧa negız bola alady.
