رەسپۋبليكا كۇنى قارساڭىندا كوشە تازالاۋشى بازارباي ابىلقازى ەلدى ەرەكشە اسەرگە بولەدى، دەپ حابارلايدى "ادىرنا" ۇلتتىق پورتالى.
ول قازاقستان پرەزيدەنتىنىڭ جارلىعىمەن «ەرەڭ ەڭبەگى ءۇشىن» مەدالىمەن ماراپاتتالدى، دەپ حابارلايدى Skifnews.kz.
بازارباي ابىلقازى قىتايدان تاريحي وتانىنا 20 جىل بۇرىن قونىس اۋدارىپ، وسى ۋاقىت ارالىعىندا «الماتى تازالىق» مەكەمەسىندە ۇزدىكسىز ەڭبەك ەتىپ كەلەدى. ماراپاتتى وعان الماتى قالاسىنىڭ اكىمى دارحان ساتىبالدى سالتاناتتى تۇردە تابىس ەتتى.
«رەسپۋبليكا كۇنىمەن بارشاڭىزدى قۇتتىقتايمىن! مەن قىتايدا تۋىپ-ءوستىم. قازاقستان تاۋەلسىز ەل بولعاندا، وسى جەرگە كەلىپ، ەڭ بولماعاندا ءبىر كوشەسىن سىپىرىپ، ەڭبەگىم سىڭسە دەگەن ارمانىم بار ەدى. سول ءۇمىتىم ورىندالدى. ەڭبەگىمدى باعالاعان پرەزيدەنتىمىزگە شەكسىز العىس ايتامىن»، — دەدى بازارباي ابىلقازى تولقىپ.
جەلى قولدانۋشىلارى ونىڭ قاراپايىم ەڭبەگى مەن شىنايى سوزدەرىنە ءتانتى بولىپ، جىلى لەبىزدەرىن ءبىلدىردى.
