Respublika künı qarsaŋynda köşe tazalauşy Bazarbai Äbılqazy eldı erekşe äserge böledı, dep habarlaidy "Adyrna" ūlttyq portaly.
Ol Qazaqstan Prezidentınıŋ Jarlyǧymen «Ereŋ eŋbegı üşın» medalımen marapattaldy, dep habarlaidy Skifnews.kz.
Bazarbai Äbılqazy Qytaidan tarihi otanyna 20 jyl būryn qonys audaryp, osy uaqyt aralyǧynda «Almaty Tazalyq» mekemesınde üzdıksız eŋbek etıp keledı. Marapatty oǧan Almaty qalasynyŋ äkımı Darhan Satybaldy saltanatty türde tabys ettı.
«Respublika künımen barşaŋyzdy qūttyqtaimyn! Men Qytaida tuyp-östım. Qazaqstan täuelsız el bolǧanda, osy jerge kelıp, eŋ bolmaǧanda bır köşesın sypyryp, eŋbegım sıŋse degen armanym bar edı. Sol ümıtım oryndaldy. Eŋbegımdı baǧalaǧan Prezidentımızge şeksız alǧys aitamyn», — dedı Bazarbai Äbılqazy tolqyp.
Jelı qoldanuşylary onyŋ qarapaiym eŋbegı men şynaiy sözderıne täntı bolyp, jyly lebızderın bıldırdı.
