قازاقستان تايۆاندى قىتايدىڭ اجىراماس بولىگى سانايدى. بۇل تۋرالى ءسىم رەسمي وكىلى ايبەك سمادياروۆ ايتتى، دەپ حابارلايدى «ادىرنا» ءتىلشىسى.
«قازاقستان رەسپۋبليكاسى ء"بىرتۇتاس قىتاي" قاعيداتىن قولدايدى جانە تايۆاندى قىتاي حالىق رەسپۋبليكاسى اۋماعىنىڭ اجىراماس بولىگى دەپ سانايدى. قازاقستان حالىقارالىق قۇقىقتىڭ قولدانىستاعى نورمالارىن جانە بىرىككەن ۇلتتار ۇيىمى جارعىسىن ساقتاۋدى، سونىڭ ىشىندە وسى ماسەلەدە بۇۇ باس اسسامبلەياسىنىڭ 1971 جىلعى №2758 قارارىن ۇستانۋدى قولدايدى.
شەت ەلدەردىڭ رەسمي دەلەگاتسيالارىنىڭ تايۆانعا ساپارلارى قحر ۇكىمەتىمەن كەلىسىلۋى ءتيىس دەپ سانايمىن»،– دەدى ول.
