Qazaqstan Taıvandy Qytaıdyń ajyramas bóligi sanaıdy. Bul týraly SIM resmı ókili Aıbek Smadııarov aıtty, dep habarlaıdy «Adyrna» tilshisi.
«Qazaqstan Respýblıkasy "Birtutas Qytaı" qaǵıdatyn qoldaıdy jáne Taıvandy Qytaı Halyq Respýblıkasy aýmaǵynyń ajyramas bóligi dep sanaıdy. Qazaqstan halyqaralyq quqyqtyń qoldanystaǵy normalaryn jáne Birikken Ulttar Uıymy jarǵysyn saqtaýdy, sonyń ishinde osy máselede BUU Bas Assambleıasynyń 1971 jylǵy №2758 qararyn ustanýdy qoldaıdy.
Shet elderdiń resmı delegaııalarynyń Taıvanǵa saparlary QHR Úkimetimen kelisilýi tıis dep sanaımyn»,– dedi ol.
