ەۋروپا وداعى رەسەيگە قارسى كەزەكتى – 19-شى سانكتسيالار پاكەتىن بەكىتتى. سانكتسيا تىزىمىنە قازاقستانداعى ۆتب بانكى دە ەنگىزىلدى، دەپ حابارلايدى "ادىرنا" ۇلتتىق پورتالى.
بۇل شەشىمگە سايكەس، تىزىمگە ەنگەن بانكتەرگە ەۋروپا وداعى ەلدەرىمەن كەز كەلگەن قارجىلىق ەسەپ ايىرىسۋعا تىيىم سالىنادى. بۇل ولاردىڭ حالىقارالىق وپەراتسيالارعا، اسىرەسە ەۋرو مەن دوللار ۆاليۋتاسىمەن جۇمىس ىستەۋ مۇمكىندىگىن شەكتەيدى.
سانكتسيالار 2025 جىلدىڭ 2 جەلتوقسانىنان باستاپ كۇشىنە ەنەدى.
ەۋرووداقتىڭ تىزىمىندە قازاقستانداعى ۆتب بانكىمەن قاتار قىتاي مەن بەلارۋستەگى ۆتب بولىمشەلەرى دە بار. سونداي-اق سانكتسيالار رەسەيدىڭ “سبەربانك” جانە “الفا-بانك” بانكتەرىنىڭ بەلارۋستەگى ەنشىلەس قۇرىلىمدارىنا دا قاتىستى.
ۇلتتىق بانكتىڭ مالىمەتىنشە، ۆتب قازاقستان اكتيۆتەر كولەمى بويىنشا ەلدەگى 20-ورىندا تۇر. قازىرگى ۋاقىتتا قازاقستاندا 23 بانك جۇمىس ىستەيدى.
ايتا كەتەيىك، ۆتب قازاقستان حالىقارالىق ۆتب قارجى توبىنىڭ ەنشىلەس بانكى بولىپ تابىلادى. بۇل توپ قۇرامىندا 20-دان استام كرەديتتىك جانە قارجىلىق ۇيىم بار.
