ازەربايجان، قازاقستان جانە رەسەي ماماندارى قازاقستاندا اپاتقا ۇشىراعان AZAL ۇشاعىنىڭ قارا جاشىگىندەگى دەرەكتەردى انىقتاۋ ءۇشىن برازيلياعا اتتانادى. بۇل تۋرالى برازيليانىڭ اۋە كۇشتەرى مالىمدەدى، دەپ حابارلايدى “ادىرنا” ۇلتتىق پورتالى.
«حالىقارالىق ازاماتتىق اۆياتسيا كونۆەنتسياسىنىڭ 13-قوسىمشاسىنا سايكەس جانە قازاقستاننىڭ اۆياتسيالىق وقيعالاردى تەرگەۋ باسقارماسىنىڭ سۇراۋى بويىنشا، اۆياتسيالىق وقيعالاردى تەرگەۋ جانە ولاردى ۇسىنۋ ورتالىعى (CENIPA) ءۇش ماماندى، سونداي-اق ازەربايجان مەن رەسەيدەن شاقىرىلعان مامانداردى قابىلدايدى. ولار دەرەكتەردى انىقتاۋ پروتسەسىن باقىلاپ وتىرادى»، — دەلىنگەن حابارلامادا.
برازيليا اۋە كۇشتەرىنىڭ مالىمەتىنشە، قارا جاشىكتەر بۇگىن جەتۋى ءتيىس.
«جۇمىستار اياقتالعاننان كەيىن الىنعان دەرەكتەر قازاقستاننىڭ اۆياتسيالىق وقيعالاردى تەرگەۋ باسقارماسىنا بەرىلەدى، ول ينتسيدەنتتى تەرگەۋگە جاۋاپتى. بۇل بارلىعى حالىقارالىق حاتتامالارعا سايكەس جۇزەگە اسىرىلادى»، — دەلىنگەن حابارلامادا.
