قازاقستان سىرا قايناتۋ ونىمدەرىنە اكتسيز ستاۆكاسىن كوتەرۋدى جوسپارلاپ وتىر. بۇگىن ءماجىلىس دەپۋتاتتارى سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى زاڭ جوبالارىنا ءتيىستى تۇزەتۋلەردى ءبىرىنشى وقىلىمدا قابىلدادى، - دەپ حابارلايدى "ادىرنا" ءتىلشىسى.
سىرا قايناتۋ ونىمدەرىنە اكتسيز ستاۆكاسىن ليترىنە 79 تەڭگەدەن 90 تەڭگەگە دەيىن كوتەرۋ ۇسىنىلىپ وتىر.
سونىمەن قاتار، قاراستىرىلىپ جاتقان زاڭ جوباسىندا تسيفرلىق تاۋ-كەن ءوندىرۋ ءۇشىن الىم مولشەرلەمەلەرى تۋرالى ايتىلادى. ونى قازاقستاننىڭ ءبىرتۇتاس ەلەكتر ەنەرگەتيكالىق جۇيەسىنە قوسىلماعان مەنشىكتى گەنەراتسيالاۋ قوندىرعىلارىنىڭ ەلەكتر ەنەرگياسىن پايدالانعان كەزدە ءبىر كيلوۆاتت-ساعات ءۇشىن ءبىر تەڭگە ەسەبىمەن ەسەپتەۋ ۇسىنىلادى.