23 قازان كۇنى الەۋمەتتىك جەلىلەر مەن مەسسەندجەرلەردە باتىس قازاقستان وبلىسىنداعى قىزىلتال اۋىلى ماڭىندا «بەيمالىم درون جارىلدى» دەگەن اقپارات تارادى، دەپ حابارلايدى "ادىرنا" ۇلتتىق پورتالى.
Telegram ارنالارىندا وقيعا ورنىنان تۇسىرىلگەن سۋرەتتەر جاريالانىپ، كەي دەرەكتەردە «دروننىڭ ىشىندە جارىلعىش زات بولۋى مۇمكىن» دەگەن بولجام ايتىلعان.
سونداي-اق كورشىلەس رەسەيدىڭ ورىنبور وبلىسىندا وسى ۋاقىتتا دابىل جاريالانعانى تۋرالى اقپارات تاراعان.
الايدا بۇل مالىمەتتەرگە قاتىستى رەسمي تۇسىنىكتەمە بەرگەن وبلىستىق پوليتسيا دەپارتامەنتى قاۋەسەتكە ناقتى جاۋاپ بەردى.
ء«بورلى اۋدانى اۋماعىندا ەلدى مەكەننەن تىس جەردە ۇشقىشسىز ۇشۋ اپپاراتىنىڭ بولشەكتەرىنە ۇقساس زاتتار تابىلدى. قازىرگى ۋاقىتتا پوليتسيا دەپارتامەنتى مەن ۋاكىلەتتى قىزمەتتەر تەكسەرۋ جۇمىستارىن جۇرگىزىپ جاتىر. وقيعانىڭ بارلىق ءمان-جايى انىقتالۋدا»، — دەلىنگەن بقو پد ءباسپاسوز قىزمەتىنىڭ حابارلاماسىندا.
قازىر ماماندار تابىلعان زاتتاردىڭ شىعۋ تەگىن جانە ولاردىڭ جارىلىسقا قاتىسى بار-جوعىن انىقتاپ جاتىر.
