«ءۇستىرت» مەملەكەتتىك تابيعي قورىعىنا ارنايى رۇقسات قۇجاتى نەگىزىندە عانا كىرۋگە بولادى. بۇل تۋرالى قورىقتىڭ ەكولوگيالىق اعارتۋ جانە تۋريزم ءبولىمىنىڭ باسشىسى امانقوس ابيەۆ مالىمدەدى، دەپ حابارلايدى «ادىرنا» ءتىلشىسى.
«قاراقيا-قاراكول قاۋمالىنا كەلەتىن قوقيقازدار، ارينە، وتە ادەمى. بۇل كوركەم كادردى كورسەتۋ ءۇشىن كەيبىر ازامات درون قولدانىپ، قۇستاردى ۇركىتىپ، ۆيدەوعا تۇسىرەدى. بۇعان زاڭمەن تىيىم سالىنعان. «جانۋارلار دۇنيەسiن قورعاۋ، ءوسiمiن مولايتۋ جانە پايدالانۋ تۋرالى» تۋرالى زاڭنىڭ 14-بابى 3-تارماعى 5-تارماقشاسىنا سايكەس، توپتاسىپ ۇشاتىن قۇستاردىڭ مەكەن ەتەتىن ايماعىندا 1 كم تومەن بيىكتىكتە درونداردى، تىكۇشاقتاردى ۇشىرۋعا رۇقسات بەرىلمەگەن. ەرەجە بۇزعاندارعا 10 مرپ ايىپپۇل سالىنادى. ءبىر جىل ىشىندە قايتالانسا، ايىپپۇل 20 مرپ-عا دەيىن وسەدى»،– دەدى ول.
