23 qazan künı äleumettık jelıler men messendjerlerde Batys Qazaqstan oblysyndaǧy Qyzyltal auyly maŋynda «beimälım dron jaryldy» degen aqparat tarady, dep habarlaidy "Adyrna" ūlttyq portaly.
Telegram arnalarynda oqiǧa ornynan tüsırılgen suretter jariialanyp, kei derekterde «dronnyŋ ışınde jarylǧyş zat boluy mümkın» degen boljam aitylǧan.
Sondai-aq körşıles Reseidıŋ Orynbor oblysynda osy uaqytta dabyl jariialanǧany turaly aqparat taraǧan.
Alaida būl mälımetterge qatysty resmi tüsınıkteme bergen oblystyq Polisiia departamentı qauesetke naqty jauap berdı.
«Börlı audany aumaǧynda eldı mekennen tys jerde ūşqyşsyz ūşu apparatynyŋ bölşekterıne ūqsas zattar tabyldy. Qazırgı uaqytta polisiia departamentı men uäkılettı qyzmetter tekseru jūmystaryn jürgızıp jatyr. Oqiǧanyŋ barlyq män-jaiy anyqtaluda», — delıngen BQO PD baspasöz qyzmetınıŋ habarlamasynda.
Qazır mamandar tabylǧan zattardyŋ şyǧu tegın jäne olardyŋ jarylysqa qatysy bar-joǧyn anyqtap jatyr.
