"ساپارعا شىعاردا ۇيىنەن ەشقاشان الىسقا شىقپاعان جاننان كەڭەس سۇراماڭىز". ۇلى رۋمي (مەنىڭ ەركىن اۋدارمام).
تاريحتىڭ ءيىرىمى وتە قىزىق بولادى. الدىن الا ەل مەن ايماق، الەمدە نەنىڭ قالاي بولارى، ادەتتە، ادامدارعا بەلگىسىز. ءتۇرلى ادام تىزگىندى ۇستاپ جاتادى.
كوپ جاعدايدا ەشبىرەۋى: "مەن وسىنى بىلمەيدى ەكەنمىن" دەمەيدى. كەرىسىنشە، ادەتتە: "مەن بىلەم" دەپ شىعا كەلەدى.
ورتالىق ماسكەۋ بولعاندىقتان، تمد ەلدەرى باسىندا سوعان قاراپ، "ۇلكەن اعانىڭ" ارەكەتىن قايتالاۋمەن بولدى (ولار دا وقساتپادى). كەيىن، مۇمكىندىگىنشە، اركىمنىڭ ءوز "تاڭداۋى", ءوز "ادەتى" قالىپتاستى. نە كەرەك، كەشەگى كوممۋنيست ەندى "دەموكراتيا" قۇراتىن بولدى.
كەيىن ولار بۇدان دا تەز شارشاپ قالاتىن بولدى.
سەبەبى ونىڭ نە ەكەنىن وزدەرى دە، جالپى، بىزدە كوپ ەشكىم بىلمەيدى. سوندىقتان بالتىق ەلدەرىنەن باسقاسى "باياعى انگە باستى..."
بالتىق ەلدەرى باتىستان دەموكراتيا مەن قۇقىقتى، "زاڭ بيلىگىن" بىلەتىن - تۇسىنەتىندەردى ەلگە شاقىرتىپ، سولارعا مەملەكەتتى بيلەتىپ، تۇزەتتىرىپ، وزدەرى دە كادىمگىدەي ءوسىپ - ءونىپ قالدى. سوندىقتان دا "رەفورما", "جاڭا", ء"ادىل" دەگەن سوزدەردى قولدانعاندا، الدىمەن مامان تۋرالى ويلاۋ كەرەك سياقتى.
ءبىزدىڭ تمد كەڭىستىگىندە، وسى، ماماندار جاعى تاپشى كەلەدى عوي. ن.حرۋششەۆ ايتپاقشى: "ۇيدەگى اسپاز ايەلدى ەل بيلەۋگە قويساق، بۇل ءىس ونىڭ دا قولىنان كەلەتىن دۇنيە-ءمىس".
ونىڭ ويىنشا، مۇنىڭ ەشقانداي قيىندىعى جوق...
كەيىن ءوزىن ل.برەجنەۆ باستاعان توپ توڭكەرىپ تاستاپ، كوپ ۇزاماي كسرو - نىڭ ءوزى دە قۇردىمعا كەتتى ەمەس پە؟! ياعني، وڭاي بولماعانى...
جالپى، مامانسىز تاعى دا "باياعى ءان" بولماي ما؟!
وسىلاي قايتالانا بەرەدى عوي...
