ەلىمىزدە 2025 جىلعى 1 قازانعا دەيىن ءوندىرىس ورىندارىنداعى قايعىلى جاعدايلاردان 934 ادام زارداپ شەگىپ، ونىڭ 133-ءى قازا تاپقان. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى ايتتى، دەپ حابارلايدى «ادىرنا» ءتىلشىسى.
«بيىلعى 9 ايدىڭ قورىتىندىسى بويىنشا وندىرىستىك جاراقاتتانۋ 2024 جىلدىڭ ەكىنشى جارتىجىلدىعىمەن سالىستىرعاندا 3,4%-عا تومەندەدى.
رەسپۋبليكانىڭ ونىدىرىستىك ايماقتارىندا جاراقات الۋدىڭ ەڭ جوعارى دەڭگەيى ساقتالۋدا. ماسەلەن قاراعاندى وبلىسىندا - 103 ادام، شقو-دا – 89 ادام، پاۆلودار وبلىسىندا – 68 ادام، اقتوبە وبلىسىندا – 64 ادام، اتىراۋ وبلىسىندا – 48 ادام زارداپ شەككەن. سونداي-اق الماتى قالاسىندا 51 ادام زارداپ شەككەن»،— دەلىنگەن حابارلامادا.
قايعىلى جاعدايلاردىڭ كوبى تاۋ-مەتاللۋرگيا كەشەندەرىندە (17,4 پايىز) جانە قۇرىلىس ورىندارىندا (10,2 پايىز) تىركەلگەن. مينيسترلىك مالىمەتىنشە، قايعىلى وقيعالاردىڭ بولۋىنا جۇمىستىڭ دۇرىس ۇيىمداستىرىلماۋى (34,2 پايىز), جاپا شەككەندەردىڭ ابايسىزدىعى (33,6), ەڭبەكتى قورعاۋ ەرەجەلەرى (8,5 پايىز) مەن جول ءجۇرۋ ەرەجەلەرىن (7,8 پايىز) بۇزۋ سەبەپ بولىپ وتىر.
ايتا كەتەيىك، ەڭبەكتى قورعاۋ فاكتىلەرىنىڭ بۇزىلۋشىلىقتارى بويىنشا قۇقىق قورعاۋ ورگاندارىنا جازاتايىم وقيعالاردى تەرگەۋدىڭ 730 ماتەريالى جىبەرىلىپ، سونىڭ نەگىزىندە 211 قىلمىستىق ءىس قوزعالعان.
