Elımızde 2025 jylǧy 1 qazanǧa deiın öndırıs oryndaryndaǧy qaiǧyly jaǧdailardan 934 adam zardap şegıp, onyŋ 133-ı qaza tapqan. Būl turaly Eŋbek jäne halyqty äleumettık qorǧau ministrlıgı aitty, dep habarlaidy «Adyrna» tılşısı.
«Biylǧy 9 aidyŋ qorytyndysy boiynşa öndırıstık jaraqattanu 2024 jyldyŋ ekınşı jartyjyldyǧymen salystyrǧanda 3,4%-ǧa tömendedı.
Respublikanyŋ önıdırıstık aimaqtarynda jaraqat aludyŋ eŋ joǧary deŋgeiı saqtaluda. Mäselen Qaraǧandy oblysynda - 103 adam, ŞQO-da – 89 adam, Pavlodar oblysynda – 68 adam, Aqtöbe oblysynda – 64 adam, Atyrau oblysynda – 48 adam zardap şekken. Sondai-aq Almaty qalasynda 51 adam zardap şekken»,— delıngen habarlamada.
Qaiǧyly jaǧdailardyŋ köbı tau-metallurgiia keşenderınde (17,4 paiyz) jäne qūrylys oryndarynda (10,2 paiyz) tırkelgen. Ministrlık mälımetınşe, qaiǧyly oqiǧalardyŋ boluyna jūmystyŋ dūrys ūiymdastyrylmauy (34,2 paiyz), japa şekkenderdıŋ abaisyzdyǧy (33,6), eŋbektı qorǧau erejelerı (8,5 paiyz) men jol jüru erejelerın (7,8 paiyz) būzu sebep bolyp otyr.
Aita keteiık, eŋbektı qorǧau faktılerınıŋ būzyluşylyqtary boiynşa qūqyq qorǧau organdaryna jazataiym oqiǧalardy tergeudıŋ 730 materialy jıberılıp, sonyŋ negızınde 211 qylmystyq ıs qozǧalǧan.
