جەتىسۋدا ءسىبىر تاۋتەكەسىن اتقان براكونەرلەر ۇستالدى، دەپ حابارلايدى «ادىرنا» ءتىلشىسى.
«2-ءشى تامىز كەشكى ساعات 19:30 شاماسىندا جوڭعار-الاتاۋ پاركى مەملەكەتتىك ينسپەكتورلارىنىڭ كەزەكتى رەيدى بارىسىندا توقتى مەملەكەتتىك تابيعي قاۋمالى اۋماعىنان «Toyota Land Cruiser Prado» ماركالى اۆتوكولىك توقتاتىلىپ، ىشىندە بولعان قر ازاماتى جانە ەكى يسپان ازاماتتارى ۇستالدى. كولىكتى ءتىنتۋ بارىسىندا جۇك سالۋ بولىگىنەن 2 ءسىبىر تاۋتەكەسىنىڭ باسى مەن تەرىسى، سالماعى 60-62 كەلى بولاتىن ەتى، سونداي-اق 2 شەتەل ازاماتىنا تيەسىلى قارۋ قۇرالدارى تاركىلەندى»،— دەدى ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز قىزمەتى.
قازىرگى تاڭدا تەرگەپ-تەكسەرۋ امالدارى جۇرگىزىلىپ جاتىر.
