Jetisýda sibir taýtekesin atqan brakonerler ustaldy, dep habarlaıdy «Adyrna» tilshisi.
«2-shi tamyz keshki saǵat 19:30 shamasynda Jońǵar-Alataý parki memlekettik ınspektorlarynyń kezekti reıdi barysynda Toqty memlekettik tabıǵı qaýmaly aýmaǵynan «Toyota Land Cruiser Prado» markaly avtokólik toqtatylyp, ishinde bolǵan QR azamaty jáne eki ıspan azamattary ustaldy. Kólikti tintý barysynda júk salý bóliginen 2 sibir taýtekesiniń basy men terisi, salmaǵy 60-62 keli bolatyn eti, sondaı-aq 2 shetel azamatyna tıesili qarý quraldary tárkilendi»,— dedi Orman sharýashylyǵy jáne janýarlar dúnıesi komıtetiniń baspasóz qyzmeti.
Qazirgi tańda tergep-tekserý amaldary júrgizilip jatyr.
