يران پرەزيدەنتى ماسۋد پەزەشكيان وسى جىلدىڭ سوڭىنا دەيىن قازاقستانعا رەسمي ساپارمەن كەلەدى. بۇل تۋرالى يران سىرتقى ىستەر ءمينيسترىنىڭ ورىنباسارى سايد حاتيبزادە مالىمدەدى، دەپ حابارلايدى “ادىرنا”.
ونىڭ ايتۋىنشا، ساپار بارىسىندا ەكى ەل اراسىندا ەكونوميكا، مادەنيەت جانە اۋىل شارۋاشىلىعى سالالارىندا ىنتىماقتاستىققا قاتىستى 20-دان استام قۇجاتقا قول قويۋ جوسپارلانىپ وتىر.
حاتيبزادە بۇل ساپار يران مەن قازاقستان اراسىنداعى ستراتەگيالىق ارىپتەستىكتى تەرەڭدەتۋ تۇرعىسىنان ماڭىزدى ەكەنىن اتاپ ءوتتى.
يران - يادرولىق باعدارلاماسىنا بايلانىستى بىرنەشە جىلدان بەرى باتىستىڭ سانكتسياسىنا ۇشىراعان ەل. بۇل ماسۋد پەزەشكياننىڭ بيىلعى 13-24 ماۋسىم اراسىنداعى يزرايلمەن اراداعى سوعىستان كەيىن قازاقستانعا ءبىرىنشى ساپارى.
ۇقساس جاڭالىقتار
