قازاقستان پرەزيدەنتى قاسىم-جومارت توقاەۆ نيۋ-يوركتە وتەتىن بۇۇ باس اسسامبلەياسىنىڭ مەرەيتويلىق سەسسياسىندا ءسوز سويلەيتىنىن مالىمدەدى، دەپ حابارلايدى "ادىرنا" ۇلتتىق پورتالى.
جولداۋدا مەملەكەت باسشىسى الداعى ۋاقىتتاعى جۇمىس جوسپارلارىمەن ءبولىستى.
«جىل سوڭىندا رەسەيگە، وزبەكستانعا ساپارىم بولادى، استانادا ازەربايجان، ارمەنيا، تۇرىكمەنستان باسشىلارىن قابىلداۋعا دايىندالىپ جاتىرمىز. سونداي-اق بىرقاتار ازيا جانە ەۋروپا ەلدەرىنىڭ باسشىلارىمەن كەزدەسۋلەر مەن كەلىسسوزدەر جوسپارلانعان»، – دەدى قاسىم-جومارت توقاەۆ.
پرەزيدەنت سونىمەن قاتار قازاقستان مەن اقش اراسىنداعى ديالوگتىڭ بەلسەندى دامىپ كەلە جاتقانىن جانە ەۋروپالىق وداقپەن كوپقىرلى بايلانىستار ورناعانىن اتاپ ءوتتى.
«جاقىن ارادا نيۋ-يوركتە وتەتىن باس اسسامبلەيانىڭ مەرەيتويلىق سەسسياسىندا ءسوز سويلەپ، قازاقستاننىڭ حالىقارالىق جاعدايعا قاتىستى كوزقاراسىن، سونىڭ ىشىندە بىرىككەن ۇلتتار ۇيىمىن رەفورمالاۋ جونىندەگى ۇسىنىستاردى ورتاعا سالۋدى جوسپارلاپ وتىرمىن»، – دەدى قاسىم-جومارت توقاەۆ.
