قازاقستان فۋتبول فەدەراتسياسى «حان-ءتاڭىرى» كلۋبىنىڭ شابۋىلشىسى دياس تولەۋدىڭ قازاسىن ەستىرتتى، دەپ حابارلايدى "ادىرنا" ۇلتتىق پورتالى.
بۇل تۋرالى قفف ءباسپاسوز قىزمەتى مالىمدەدى.
حابارلامادا اتاپ وتىلگەندەي، جاس فۋتبولشى دياس تولەۋ كومانداسىندا شابۋىلشى رەتىندە كوزگە تۇسكەن.
فەدەراتسيا ونىڭ وتباسى، جاقىندارى جانە كومانداسى قايعىسىنا ورتاقتاسىپ، دياستىڭ اتا-اناسىنا، تۋىستارىنا جانە بارلىق جاقىندارىنا شىن جۇرەكتەن كوڭىل ايتادى.
«قازاقستان فۋتبول فەدەراتسياسى «حان-ءتاڭىرى» كلۋبىنىڭ شابۋىلشىسى دياس تولەۋدىڭ مەزگىلسىز قازا بولۋىن تەرەڭ قايعىرا قابىلدادى.
ءوز جاسىنا قاراماستان، دياس فۋتبولعا دەگەن قۇشتارلىعى مەن ايرىقشا تالانتى ارقىلى كوزگە ءتۇستى. ونىڭ ومىردەن ەرتە كەتۋى — ورنى تولماس قازا. بۇل اۋىر ساتتە ءبىز ونىڭ وتباسى، جاقىندارى جانە كومانداسىمەن بىرگە قايعىسىنا ورتاقتاسامىز»، — دەلىنگەن قفف حابارلاماسىندا.
دياس "حان-ءتاڭىرى" مەن "ەكىباستۇز" كوماندالارىنىڭ 16 قازان كۇنگى ويىنىندا جاراقات الىپ، قايتىس بولدى. تىكەلەي ەفير كەزىندە ويىنشىنى الاڭنان الىپ كەتكەن كەزدە جاراقاتىن اۋىرسىنعانى بايقالعان.
